E faaauau pea le tagi a le HRPP e faasaga i le sui o le FAST lea sa manumalo i le faigapalota laititi mo Vaimauga 3.
I le feiloaiga masani a sui a le itu agai ma le vasega o tusitala, sa ta’ua ai e Tuilaepa Sailele Malielegaoi, “Matou te le talia le tuualalo e ave i tua le tagi o le faigapalota, aua afai ae matou talia le tuualalo e ave i tua le matou tagi, lona uiga ua matou talia le faatau o palota a tagata e ala i le tufatufaina o tupe..”
Saunoa foi Tuilaepa, “E tasi lava le mea matou te naunau iai, ia aua le faatauina palota a tagata.”
O le talitonuga a Tuilaepa, o le agai atu o le Kapeneta ma le Malo i Magiagi, ma tuafaina ai seleni, “O le leai lea se alofa i le sui tauvā.”
“Ou te faa’aloalogia tele le sui ia Lautimuia, ae ona o le tulafono o le faigapalota ua soli.”
“E tatau lava ona fai mea tonu ma le sao.”
“I le tulaga o le aganuu poo le va fealoai, o loo manino lava le tulafono o faigapalota – o loo iai le taimi e faataga ai lea tulaga.”
I le faigapalota laititi sa mavae atu nei, na manumalo ai le sui tauva a le FAST mai Magiagi, Lautimuia Uelese Vaai ina ua ia ausia palota e 1,531 mai le 2,737 le aofai o Vaimauga 3 sa palota. O le 56% lea o palota.
O le sui a le HRPP sa ia ausiaina le 1,082 o palota, poo le 39.5% pasene lena o le aofai o palota.
O le mataupu ua i luma nei o le Faamasinoga Maualuga o Samoa – o se tagi a le HRPP i uiga i ni seleni sa tufaina, ina ua faataunuu ni faaaloaloga faaleaganuu i le aso sa oo atu o le FAST e faalauiloa lo latou sui tauva.
Ina ua faaiu taualumaga a le Palemene i le vaiaso ua te’a nei, sa tula’i ai le taitaifono a le FAST, Laaulialemalietoa Leuatea Polataivao Schmidt, e tuualalo i le taitai a le HRPP ua aloaia i le Moata, Fonotoe Nuafesili Pierre Lauofo, e uiga i le mataupu ua faauluina i le faamasinoga. Ina ua faauluina le mataupu, e lei toe fono ai loa Lautimuia Uelese Vaai, i le taliaina o le mataupu ua i luma nei o le faamasinoga.
Ua maea ona faatulaga mai e le Faamasinoga Maualuga le Aso 30 o Mati 2023 – o le a toe fofogaina ai le mataupu i le tagi a Samau Leatigogo Timani Samau, o le Sui a le HRPP, e faasaga ia Lautimuia Uelese Vaai, le sui o le FAST lea sa manumalo i le faigapalota laititi a Vaimauga.
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
i get paid $550+ per day using my mobile in my part time. Last month i got my 4th paycheck of $17723 and i just do this work in my part time. its an easy and awesome home based job. Anybody can do this…………………… https://salaryusa.blogspot.com/