“Aua nei avea le palota e fefulituaa’i ai ma leaga ai le tatou va nonofo”

"O le palota e fai fai uma, ae o le tatou va nonofo ma le tatou mafutaga, e tumau pea.."

0
2722

Ua saunoa lē sa avea ma faipule o Vaa-o-Fonoti, Mau’u Siaosi Puepuemai, i sona naunautaiga ina ia aua le avea lo la tauva ma Leausa Dr Take Naseri i faigapalota, ma tulaga e feeseeseai ai.

Available now at SOS Togafuafua and Salelologa. Call 📞 +685.21623

“O le tatalo atu i le uso, tulou suafa ma mamalu, ae aua nei avea le palota e fefulituaa’i ai ma leaga ai le tatou va. O le palota e fai fai uma, ae o le tatou va nonofo ma le tatou mafutaga, e tumau pea.”

O le saunoaga lea a le afioga ia Ma’uu Siaosi Puepuemai, o loo sauni atu nei e tauva i le faigapalota laititi i lalo o le fu’a a le Faatuatua i Le Atua Samoa ua Tasi (FAST) mo le nofoa o Vaa-o-Fonoti.

Available now at SSAB stores.

O lē sa avea ma Ofisa Sili o le Matagaluega o Soifua Maloloina, Leausa Dr Take Naseri o loo tauaveina le fu’a a le HRPP poo le Vaega Faaupufai e Puipuia Aia Tatau a Tagata. Ae toatolu ai loa sui tauva i le vaega faaupufai fou le Constitution Democracy Republican Party, o loo tauva mai ai Feutaga’imealelei Osovale Brown.

O Ma’uu sa ia tauva i le fu’a o le HRPP i le faigapalota tele ia Aperila 2021, ma filifilia mai ai e le Itumalo o Vaa-o-Fonoti mai sui tauva e toafa sa iai. O lea ua sauni atu e tauva mo le FAST ina ua faamavae mai le HRPP ia Novema 2022.

Cafe 10 at Lotopa. Call 📞 +685.28278

Saunoa Ma’uu, e mafana ma vava lalata tele le la mafutaga ma le tofa ia Leausa, ma e iai foi le la sootaga faaleaiga.

O le finagalo Mauu, talu mai le palota tele o Aperila 2021, ua tele mafutaga ma sootaga faaleaiga ua motusia ma fefulituaa’i, e mafua mai i finagalo ma lagona o le palota.

“O le tatalo, aua nei iai se tulaga faapea e tulai mai i lo ma’ua va, aemaise o totonu o le itumalo.”

Sa fia maua se tali mai le afioga ia Leausa, peitai, na ia saunoa mai sei maua se taimi ona fesootai mai lea.

Available at Le Well, Savavalo. Call 📞 +685.22399

Sa faasoa mai foi Ma’uu, e lua lava ni manaoga o loo ave pea iai lana faamuamua (prioritise). O le faaleleia lea o auala mo le feafioa’i o lona itumalo, faapea le fia fausia lea o ni taligalu, e puipui mai ai i le faaleagaina o maota ma laoa pe a oo mai le sami.

Saunoa Mauu, “e le faigofie le tulaga o si matou itumalo, ona e muafale i le sami, ae tuafale i le papa.”

O Mauu e toatolu iai faipule o le HRPP sa faamavae ia Novema 2022. O le tofa ia Tuuu Anasii Leota o le itumalo o Siumu faapea le tofa i le igoa matua ia Ale Vena Ale o Faleata 4.

Check out these coffee mugs and more at Mercy Shop, Saleufi. Ph: +685.20027

O le asō, Aso 1 Setema e faagata ai le toe aveesea mai o suafa o sui tauva o loo resitaraina, ae o le Aso 15 Setema le aso o Faigapalota Laiti.

Public Notices