Falepuipui mo le 10 Tausaga i le Faiaiga Faamalosi i le tei o lona Toalua

"Ua matauina e le Faamasinoga le sasao pei se afi, ma le sosolo pei se faama'i o le faatuputupula'ia pea o lea ituaiga solitulafono, ma ua avea ma tulaga ua lē malu ai a tatou fanau teine.."

0
837

E 10 tausaga le faasalaga falepuipui na tuuina mai e le Faamasinoga Maualuga mo Vaisavali Iosua, 30 tausaga le matua, ina ua faamaonia moliaga o le faiaiga faamalosi i se tamaitai e na o le 20 tausaga le matua.

I le suesueina o lea mataupu na folasia ai i luma o le Faamasinoga e faapea o lē na aafia, o le tama teine a le uso o le toalua o Vaisavali Iosua.

O Iē na aafia, sa alu iai le feau a lē ua molia, e sau e faamuli i le fale e vaai lana fanau, ona e alu e fagota i le po, ae agai lona toalua i sana valaaulia.

Na a’e mai le faiva a Iosua i lena po, o loo moe lona toalua ua fo’i mai, ae o loo feala lana fanau ma lē sa aafia.

Sa faapea atu Iosua i lana fanau e o loa e momoe ua leva le po.

Ina ua tula’i lē na aafia e molimau i le Faamasinoga, sa ia faailoa ai; pe tusa o le tasi le itula talu ona taoto i lona moega ua moe, ae osofa’i loa ia e Iosua.

Sa molimau lē na aafia, ua ia le mafai ona valaau mo se fesoasoani, ona sa mau le isi lima o Iosua i lona ua, na le mafai ai ona lagona lona leo.

Sa toe faamatala uma e lē na aafia i luma o le Faamasinoga le tulaga matuia sa ia oo iai ina ua faamalosia o ia e Iosua.

I le maea ai ona suesue lenei mataupu i luma o Faatonu (panel of assessors) sa latou aumaia ai le faaiuga, e faamaonia ai le soligatulafono o le faiaiga faamalosi (rape).

E 14 tausaga na talosaga e le tamaitai loia ia Fuifui Ioane o loo tulai mo le Ofisa o le Loia Sili, e amata mai ai se fua a le faamasinoga (starting point).

O nisi o itu na faamamafa e Fuifui e aofia ai;

*O lē o loo molia e iai lona piitaga i lē na aafia

*Ua leai se faatuatuaga sa tatau ai ona malu le afafine i lē ua molia

*O le tulaga faigata i le tula’i mai o lenei solitulafono matuiā, ae tupu mai i totonu o le aiga

Sa finau fo’i le loia na tula’i mo Vaisavali Iosua, e amata le Faamasinoga ona amata mai lana fua i le 10 tausaga, ma tuuina mai nisi o itu lelei (mitigating factors) mo Iosua e aofia ai;

*Se tusi mai le faifeau ma le pulenuu e faamauina ai ana galuega lelei

*Ua ma’ea ona faatino se faasalaga i le nuu

*O se taimi muamua lea ua molia ai Iosua i luma o le Faamasinoga.

Delicious Cakes is now on the Maua App!

I le tolaulauina o le faaiuga a le afioga i le Faamasino o le Faamasinoga Maualuga ia Niava Mata Tuatagaloa, sa ia saunoa ai i le matau ma le faanoanoa o le Faamasinoga i nei ituaiga solitulafono e sauaina ma aafia ai pea tina ma tamaita’i.

Justice Niava Mata Keli Tuatagaloa (c) with Justice Vui Clarence Nelson (L) and Justice Lesatele Rapi Vaai (R)

“Ua matauina e le Faamasinoga le sasao pei se afi, ma le sosolo pei se faama’i o le faatuputupula’ia pea o lea ituaiga solitulafono, ma ua avea ma tulaga ua lē malu ai a tatou fanau teine..”

Saunoa le Afioga ia Niava, e lē vaivai foi le Faamasinoga i le tuuina atu o faasalaga mo ituaiga amioga mataga ma le lē popoi faapenei.

“O le faaiuga a le Faamasinoga e amata mai i le sefulutasi tausaga, to’ese lea o le 12 masina ona o se taimi muamua lea faatoa e tulai ai i luma o le Faamasinoga, totoe ai le 10 tausaga e te nofo sala ai i le falepuipui.”

Sa auai ai matua o lē ua molia i le Faamasinoga i lea aso. Sa molimauina loimata maligi o matua i le taimi na faamavae atu ai i lo la atalii.

 

Now available at our stores in Togafuafua and Salelologa.