9 Moliaga o le Faatino o Gaioiga Mataga i Fanau Iti

O loo faaauau pea ona nofo taofia le o loo molia i lalo o vaavaaiga a leoleo e talia ai le aso e toe tulai ai i luma o le Faamasinoga Maualuga.

0
1122

Ua molia i luma o le faamasinoga se tama matua i lona toe faia lea o ni uiga mataga i sana fanau teine.

I famaumauga a le itu leoleo, e iva (9) moliaga o loo faasaga i lea tama, e aofia ai le taumafai e faatino ni gaioiga mataga i le fanau iti, faapea le moliaga o le tagotago i o la itutinosa (indecent assault).

I faamaumauga a le itu a leoleo, e toalua le fanau teina na aafia i nei gaioiga solitulafono. O le tasi e 14 tausaga, a o le isi e 16 tausaga. O lenei faalavelave na tulai mai i se afioaga mai Salafai i le tausaga 2021.

O loo teena uma e lea tama moliaga e iva e faaui mai i lana loia.

Sa teena e le itu a leoleo se talosaga a lana loia mo se avanoa e tatala ai i tua le o loo molia, e talia ai le suesueina o mau a le itu a leoleo.

Peitai, ua toe faatulaga e le Faamasinoga le Aso 27 o le masina lava lenei e toe tulai ai mo le tuuina mai o se tali a le Faamasinoga mo lea talosaga.

O loo faaauau pea ona nofo taofia le o loo molia i lalo o vaavaaiga a leoleo e talia ai le aso e toe tulai ai i luma o le Faamasinoga Maualuga.