$3 Miliona Tala e Sasaa mai e Au Malaga Alo Paopao mai Atunuu e 28

0
776

E lata i le $3 miliona tala se seleni fuafuaina o le ā sasaa mai i le tamaoaiga o Samoa i le agai mai o au ta’aalo a atunuu e 28 o le a auai mai i le taamilosaga alo vaa o loo talimalō ai Samoa i le masina nei.

Asiasi ane loa i le Le Well

O le saunoaga lea a le Minisita o Tagata Tafafao Maimoa mai Fafo (Samoa Tourism Authority) o ia foi o le Minisita o le Siosiomaga (MNRE) le afioga Toeolesulusulu Cedric Schuster Pose.

Sa saunoa Toeolesulusulu, e faafetaia le afioga ia Su’a Jay Ah Fook, o se tamaalii Samoa ua leva tele ona ia tauaveina le fua a Samoa i le faagatama o le alo paopao.

“Faafetai le finau, ua mafai ai ona talimalo Samoa i lea taamilosaga.”

L-R: Su’a Jay Ah Fook, Pule Sili o le SPREP, Minisita o Tagata Tafafao Maimoa mai Fafo/Minisita o le Siosiomaga.

Saunoa le Minisita, e lata i le tolu afe (3000) poo le sili atu foi le aofai o au ta’aalo ma ē lagolago o le a ulufale mai i Samoa nei mai atunuu e 28 o le a tausinio o le suega siamupini o le alo vaa.

“O le a penefiti ai foi tatou faipisinisi, o taxi, rental, hotels, faleaiga, o faiva alofilima (handicrafts), ma le toatele lava o ē o le a faamanuiaina i le agai mai o au ta’aalo eseese mai atunuu mamao.”

Mo le tapenaga a Samoa, e silia ma le 20 vaa o loo fausia i le uga (fiber glass) mo le au alo vaa a le atunuu.

O loo fausia i totonu o Tahiti, ae o loo fesoasoani iai le Malo mo le faatupeina.

Weekly payments via financing option available!

Sa tāua foi e le Minisita, o le foai tupe e $300k (tolu selau afe) tala lea ua foai atu e le Malo i le SOCA – Samoa Outrigger Canoe Association) mo tapenaga uma o le latou taligamalo, ma sauni ai foi auvaa mo le faamoemoe.

I se saunoaga a Su’a Jay Ah Fook, na ia faapea mai ai, e le o se faamoemoe itiiti lenei taamilosaga faalelalolagi. Sa tauofo iai le tele o atunuu, ae sa tofia Samoa ina ua tuuina atu le tauofoga (bid) a le Asosi.

“E telē le faamoemoe.. O loo auai mai ai au ta’aalo mai Brazil, Italia, Saina Hong Kong, ma isi atunuu.”

O taamilosaga o loo vaevaeina i vaega eseese e amatai mai lava i le vaega 16 tausaga ma faasolo agai luga se ia oo atu i le au matutua poo le Masters.

O le Faalapotopotoga o le Siosiomaga a le Pasefika (Secretariat of the Pacific Regional Environmental Program) o loo avea ma lagolago autu mo lenei faamoemoe. E $36,813 AUD Ausetalia le seleni o le a foai atu e le SPREP e ala mai lea i le polokalame a le Malo o Ausetalia, le Pacific Ocean Litter Project.

Na saunoa le Faatonu (Director General) le susuga ia Sefanaia Nawadra, e momoli le feau autu, ina ia faamama ma faataua lou siosiomaga, ae maise o auala e toe faaaoga (recycling) ma pulea lelei otaota (waste management).

O lenei taamilosaga e faaigoaina o le IVF WDC – International Vaa Federation World Distance Championship. O le Aso 10 o Aukuso o le a amatalia ai lenei faamoemoe.