Ua tuuina mai e le Faamasinoga Faaitumalo le faasalaga e 24 masina mo Samuelu “Sam” Su’a ina ua faamaonia e le Faamasinoga moliaga o le taufaasese i suesuega a leoleo, ma le faia o faamatalaga e aafia ai le tamaliiaga o nisi e aofia ai Lealailepule Rimoni Aiafi, i luga o upega tafailagi.
Samuelu was convicted in the District Court of Samoa of misleading police, defamation, and harassment by electronic means.
Sa tu’uaia e Samuelu i luga o se polokalame faasalalau faalauaitele, o ia sa vaai tino i le taavale a Lealailepule Rimoni Aiafi i le po sa lavea ma maliu ai le atalii ia Tuuau Tuuau Faasavalu, 18 tausaga ia Aperila 2021.
Peitai sa lē faamaonia e le Faamasinoga tuuaiga sesē a Samuelu, ma faamaonia ai ona moliaga o le taufaasese i leoleo lea ua faasala ai i le 12 masina, ma le taufaaleaga atu i luga o upega tafailagi, e faaopoopo ai le isi 12 masina.
E 16 moliaga sa faamaonia mo Samuelu ae lua moliaga sa faamaonia mo lona toalua o Sivai Kepi Mamea. Ae mo Lise Marie-Schmidt sa faamaonia le moliaga o le faalafi o se tasi o molimau, ia Marie Tusi.
O le asō sa tuuina mai ai le faasalaga e le Faamasino Sinia o le Faamasinoga Faaitumalo ia Talasa Atoa Saaga.
E lua tausaga poo le 24 masina le faasalaga falepuipui mo Samuelu. Peitai, e 28 masina le taimi sa taofia ai Samuelu talu mai Ianuari 2024 e oo mai i le asō.
O lea lā ua saoloto ai loa Samuelu ina ua maea ona tuli lana faasalaga.
O Sivai e 3 masina le faasalaga na tuuina mai e le faamasinoga, ae sa 4 masina na taofia ai. Ua silia foi i le 1 le masina.
Ae o Lise-Marie ua soloia lana moliaga e tasi (discharge without conviction).
- Poumau Tiufea Vaa, Miss Sili Ecofarm is your Miss Samoa 2026 - September 6, 2026
- Little Rina Wins Inaugural Measina Festival Fautasi Race - September 3, 2026
- Miss Taumeasina Island Resort Inspired by Her Grandparents - September 2, 2026
