Faa-Samoa

Tumau Tuia Pu’a Fuatogi Letoa i le Nofoa o Safata 2: Teena le Talosaga a Leleua

October 9, 2026

Ua tumau pea Tuia Pua Fuatogi Letoa o le Sui Faipule o Safata Numera 2 mo le vaega faaupufai o le FAST, ina ua teena e le Faamasinoga Maualuga le talosaga na lu‘iina ai lona manumalo i le faigapalota laititi ia Iulai.

Peita‘i, sa momoli mai se faitioga a le Faamasinoga ona o le tufatufaina o le faitau miliona o tupe i tagata o Safata, i ni nai aso a o lumana‘i le palota.

Na tuuina mai le faai‘uga i le aso Faraile 9 o Oketopa e le Faamasino Sinia o le Faamasinoga Maualuga ia Leutele Mata Tuatagaloa, ma le Faamasino ia Leiataualesa Daryl Clarke.

O le talosaga na faaulu e Leleua Suataga Aso, o le isi sui tauva mo le nofoa.

O le mataupu na taula‘i i le ta‘i $1,100 na totogi atu i tagatanuu uma o Safata, o se taui e fesoota‘i ma le pa‘ulia ma le goto o le va‘a o le HMNZS Manawanui i le aau i Tafitoala ia Oketopa 2024.

Ua teena le talosaga a Leleua Suataga Aso.

Na amata totogi i le aso 30 o Iuni 2026. E oo atu pe tusa o le aso 2 o Iulai, ua silia ma le $6 miliona na tufatufa i Safata, e aofia ai le tusa ma le $2.55 miliona i Safata Numera 2.

Sa faatino le Palota Laititi (by election) mai le aso 8 i le aso 10 o Iulai.

Na finau Leleua e faapea, o nei totogi o ni faiga faatosina faasolitulafono e fesoasoani ai i le palota a Tuia.

I le faaiuga tusitusia sa momoli mai ai le finagalo o le Faamasinoga, e le‘i lava molimau e faamaonia ai, e aunoa ma se masalosaloga talafeagai (beyond reasonable doubt) na faatulaga e le Kapeneta nei totogi mo Tuia, pe na fuafua le taimi e totogi ai ina ia fai ma faatosina mo le faigapalota.

Faapea mai le Faamasinoga, sa fesoasoani le maua o tupe i faatosina a Tuia, ae e le‘i faamaonia o le mafuaaga lea na faatulaga ai le totogi atu o tupe i lea taimi.

Ua leva ona iai le fuafuaga mo taui a o le‘i oo i le faigapalota laititi.

**Pinktober message from Pacific Specialist Healthcare: Early detection saves lives🩷**🩷

Na maua fo‘i e le Faamasinoga se faamalamalamaga talafeagai mo le taimi na totogi ai, e ala i molimau e uiga i siaki a le Matagaluega o Tupe ma isi galuega sa mana‘omia ona faamae‘a.

Lapataiga

Ae na lapata‘i faamasino, e tatau i faigamalo ma ofisa sinia ona matuā faaeteete i le tuuina atu o faamanuiaga tau tupe i tagata palota pe a lata mai se faigapalota, po o totonu fo‘i o le vaitaimi o faigapalota.

Ta‘ua i le faaiuga: se‘i vaganā ua iai se tulaga faanatinati moni e lē mafai ai ona tolopo, e tatau ona ‘alofia ia totogi.

“Incumbent governments and senior public officials must exercise great caution before conferring financial benefits upon voters when an election is in prospect or during an election period. Unless genuine urgency makes postponement impossible, such payments should be avoided altogether.