Aso Faraile 16 Ianuari 2026, Apia Samoa. Na fa’ailoa e le Komesina o Faigāpalota i se feiloa’iga ma le au tusitala, o le mafua’aga o le tolopoina o le palota laitiiti a le itumalo o Safata 1, ona o se fa’ai’uga na faia e le Kapeneta.
Na ia fa’amanino mai, ua toe taofia uma ai ma galuega sa tapena e le Ofisa o Faigapalota, se’ia toe logoina mai se aso fou e fa’atulaga ai le faiga-palota mo Safata 1.
O lea fa’ai’uga a le Kapeneta na faia i lalo o le Vaega 38 o le Fa’avae, lea e fa’atatau i le taimi e fa’atino ai fa’ai’uga a le Kapeneta.
Sa saunoa le Komesina, o le fa’ai’uga a le Kapeneta sa fa’avae i luga o se pepa na tu’uina atu e le Ofisa o Faigapalota, lea sa fa’amalamalama ai galuega ma le polokalame a le ofisa.
Ua manino ai fo’i le finagalo o le Kapeneta i le mataupu.
Na toe fa’aopoopo mai le Komesina o Faigapalota, e tāua ona fa’atali i fa’ai’uga o lo’o tula’i mai i mataupu o lo’o i luma o le Fa’amasinoga o Faigāpalota, ona fa’ato’a mafai lea ona toe fuafua fa’atasi le taimi e faia ai le palota.
Ua fa’ailoa mai fo’i, o le Aso 19 o le vaiaso fou ua toe vala’au ai le Fa’amasinoga i se tasi o nei mataupu.
Na fa’ailoa fo’i e le Komesina, o lo’o tausisia pea e lona ofisa le tulafono, aua e le’i fa’ailoa mai e le Fofoga Fetalai se aso patino mo le palota, ae na’o le fa’atonuga sa tu’uina atu ua fa’ailoa ai ua avanoa le nofoa o Safata 1, ma o lea la e tatau ai ona faia se palota laitiiti.
- Poumau Tiufea Vaa, Miss Sili Ecofarm is your Miss Samoa 2026 - September 6, 2026
- Little Rina Wins Inaugural Measina Festival Fautasi Race - September 3, 2026
- Miss Taumeasina Island Resort Inspired by Her Grandparents - September 2, 2026
