Tōfia e le Kapeneta Fiso Dr Fiame Leo e avea ma Ofisa Sili o le SROS

O loo umia e Fiso le fa’ailoga Tikeri i tulaga tau saienisi mai le Iunivesete o le Pasefika. O loo ia umia foi le faailoga Matuaofaiva ma le Tofa Saili ma le fa’ailoga Fomai, mai i le Iunivesite o Fa’atoaga ma Vailaau i Hokkaido, Iapani. 

0
1524

#FaaSamoa

O le fonotaga o le Aso Lua, 12 Setema 2023 na fa’amaonia ai e le Kapeneta le fautuaga a le Komiti sa fa’atalanoaina le avanoa o le Ofisa Sili o le SROS, mo le tofiaina o le Tofā ia Fiso Dr. Fiame Leo e avea ma Ofisa Sili o le Faalapotopotoga.

E toalima i latou na tusi talosaga, ae toafa na fa’atalanoaina.

O le 2006 na fa’atuina ai e le Malo le Fa’alapotopotoga o Suesuega Fa’asaienisi a Samoa ina ia u’unaia le gafataulimaina o tomai ma agavaa e siitia ai auala ma metotia fou, e fa’aaoga iai a tatou lava alagaoa, mo le manuia o Samoa.

E faapea foi i le fa’aaogaina ai o tomai ma agavaa ua ausia e tamafanau a Samoa i tulaga tau i suesuega fa’asaienisi.

Ua silia i le 12 tausaga le tautua a Fiso, Dr. Leo i le SROS. E tofia nei Fiso, o avea ma pule o le vaega o Suesuega Faapitoa mo le Fa’alapotopotoga. O ona agavaa ma tomai o le a fa’aauau ai le tuliloaina o le vaaiga mamao a le SROS, e taulamua i le tapenaina o suesuega fa’asaienisi i tomai fa’apitoa, mo le manuia o le atunuu.

O loo umia e Fiso le fa’ailoga Tikeri i tulaga tau saienisi mai le Iunivesete o le Pasefika. O loo ia umia foi le faailoga Matuaofaiva ma le Tofa Saili ma le fa’ailoga Fomai, mai i le Iunivesite o Fa’atoaga ma Vailaau i Hokkaido, Iapani.

Ua fa’aipoipo Fiso ma o se matai tausi aiga mai le afioaga o Vaitoomuli, Palauli. Ua sui tulaga Fiso i le susuga i a Seuseu, Dr. Tauati lea ua tofia ma Ofisa Sili o le Matagaluega o Fa’atoaga ma Faigafaiva.

Click Here for English Version