Toe Tofia Papalii Monalisa Tiai-Keti ma Sui Komesina o Leoleo

O Papalii o ia fo'i o se loia, ma o loo ia uumia le Bachelor of Law & Professional Diploma in Legal Practice mai le Iunivesite a le Pasefika i Saute (USP) fa’atasi ai ma le Masters in Transnational Crime Unit mai le Iunivesite a Wollongong i Ausetalia.

0
105

TOE TOFIA PAPĀLI’I MONALISA TIA’I – KETI MA SUI KOMESINA MO LE MATĀGALUEGA O LEOLEO, FALEPUIPUI MA LE OLA TOE FUATĀ’INA

[SO’O’UPU A LE MĀLŌ]: Ua fa’amaonia e le Kapeneta i lana Fonotaga i lenei vaiaso, le toe tofia ai o le Afioga iā Papāli’i Monalisa Tia’i-Keti ma Sui Komesina mo le Matāgaluega o Leoleo, Falepuipui ma le Ola Toe Fuatā’ina mo le isi tolu tausaga.

O Papāli’i ua 20 tausaga o lana tautua mo le Matāgaluega, e pei ona amata galue mai ai i le tausaga e 2004. O le 2018 na ulua’i tofia ai i le tofiga o le Sui Komesina se’ia o’o mai i le asō.

O se tama’ita’i ua loa lana tautua mo le Matāgaluega, ma ua lava fo’i lona silafia i le fa’atinoga o tiute ma matāfaioi fa’ata’ita’i mo le auaunaga a le Matāgaluega o Leoleo, Falepuipui ma le Ola Toe Fuatā’ina.

O Papalii o ia o se loia, ma o loo ia uumia le Bachelor of Law & Professional Diploma in Legal Practice mai le Iunivesite a le Pasefika i Saute (USP) fa’atasi ai ma le Masters in Transnational Crime Unit mai le Iunivesite a Wollongong i Ausetalia.

O loo ia uumia foi le Bachelor of Social Sciences mai le Iunivesite a Waikato i Niu Sila.

O Papāli’i o lo’o ia uumia foi fa’ailoga tauāloa o le Certificate of Completion in Executive Leadership Program mai le Australia Federal Police.

O loo ia uumia foi le Certificate IV Training and Assessment mai le Matātā ‘Ese’ese a Canberra i Ausetalia, faapea le Certificate IV in Frontline Management mai le Kolisi a Maligi a Ausetalia.

Ata Pu’eina – Malo o Samoa (Peseta Tusiga Taofiga)