Tusia: Pesetā Tusiga Taofiga, Aso Sa 01 Mati 2026. O le taeao nei na taunu’u manuia mai ai le faigāmalaga a le afioga i le Kovana Sili o Tutuila ma Manu’a iā Pulaali’i Nikolao Pula ma Sui o le Mālō i le malae va’alele fa’avāomālō a Samoa i Faleolo.
O le Samoa Airways i se malaga totogi faapitoa (chartered flight) sa malaga mai ai le afioga i le Kovana Sili ma lana aumalaga.
O le afioga i le Sui Palemia, o le Minisitā fo’i o le Matāgaluega o Tupe iā Mulipola Anarosa ‘Ale-Molio’o na fai ma Sui o le Mālō o Samoa e fa’atalia le taunu’u mai o le Kovana Sili.
Na auai ai fo’i ma le afioga i le Ofisa Sili o Pulega o le Matāgaluega o le Va-i-Fafo a Samoa iā Pesetā Noumea Simi ma Sui o lona Ofisa.
O puipuiga aloaia sa auai atu ai fo’i ma Malu o le Mālō, Sui o le Pulega o Tineimū ma Fa’alavelave Tutupu Fa’afuase’i [S.F.E.S.A] ma Sui o le Vaega a le So’o’upu a le Malo.
O lo’o malaga mai le Kovana Sili mo fonotaga faavaomalo i le aso a taeao.
O loo fuafua o le ā feiloa’i ai le afioga i le Kovana Sili o Amerika Samoa ma le afioga i le Palemia o Samoa, Susuga i le La’aulialemalietoa Leuatea Polāta’ivao Fosi Schmidt, e fa’asoa ai matā’upu tāua auā le manuia lautele o Samoa na lua.
E toe taliu lenei faigāmalaga i le taeao o le Aso Lua.
Faamati Specials at SOS
- 194,267 Tagatanuu o Samoa sa maua le ta’i $150 tala - June 28, 2026
- A Fealofani tatou o Ta’ita’i – e Toafilemu foi le Atunu’u - June 27, 2026
- Pāsia Aloaia le Tala Faatatau Autu o le Tupe 2026/2027 - June 27, 2026
