Mai le 68 molimau sa tuuina atu iai poloaiga aloaia (subpoena) a le Faamasinoga Maualuga i le mataupu i le vā o Tuiloma Laniselota Lameko ma lana Afioga i le Sui Palemia Hon Toelupe Poumulinuku Onesemo o Falealili 1, e na o le toatasi lava le molimau sa usita’ia ma auai atu i Mulinu‘u i le Aso Gafua.
Ua na o le afioga ia Lepagatele Alema sa faafetaia e le Faamasinoga ona ua na o ia lava e toatasi sa auai atu ina ua valaau le mataupu i le 10 i le taeao.
E le’i ufiufia le lē fiafia o lana afioga i le Faamasino Sili ia Satiu Simativa Perese ina ua tulai le loia mo Tuiloma ia Su’a Alex Su’a faapea fo’i loia mo Toelupe ia Muriel Lui ma Mauga Precious Chang e faailoa atu ua le oo atu a latou molimau.
O lenei mataupu sa taumafai itu e lua e aveese mai i tua peitai ua lē taliaina e le Faamasinoga ona o niolimau na tuuina atu e Sui o le HRPP, e tuuaia ai (alleged) sa iai se tupe na totogi e ave ai i tua le mataupu.
E 68 molimau sa faila a latou faamatalaga tusitusia (affidavits) i luma o le Faamasinoga ma ua manaomia e le Faamasinoga le oo atu mo sailiiliga a le Faamasinoga. E 45 molimau a Tuiloma ma le 23 molimau a Toelupe.
I le valaau ai o le mataupu i le 10 sa tuu mai ai le poloaiga a le Faamasino Sili ina ia oo atu i le 2 i le aoauli (2pm) ua oo atu uma molimau i Mulinuu. Peitai na o Lepagatele Alema sa oo atu.
Ina ua toe valaauina le mataupu i le 2pm sa tulai ai Loia ma faapea atu ua latou le maua molimau ma ua leai fo’i se molimau o loo toe fia fesootai mai (uncooperative).
Sa saunoa le Faamasino Sili ia Satiu, e tolu itu taua o le agai le Faamasinoga e iloilo ma fai iai sana faaiuga.
Muamua, o le tuuaiga i le $100,000 pe ua tatau loa ona tuuina atu i le Ofisa o le Loia Sili mo le tapenaina o moliaga faasolitulafono (criminal charges).
“So first it is the $100,000 tala – your view whether it’s a matter that should be referred to the AG or to the police and if so what is the court’s authority on these matters.”
Lona lua o le faalavelave lea i molimau o se soligatulafono ogaoga pe tatau loa ona tuuina atu i le Loia Sili.
“Secondly the alleged interference with the witnesses which is a very serious iasue whether the matter should be referred to the Attorney General or the Police.”
Ma le lona tolu o le lē usita’ia o poloaiga ma le manatu faatauvaa i le Faamasinoga (contempt of Court). E mafai ona tuuina atu ai e le Faamasinoga tusi saisai (arrest warrants) e aumai ai molimau.
“And thirdly the issue of contempt of court whether the matter should be referred to the Attorney General or the court simply issues that acts on warrants and requires those who have been served to be brought to court.”
O le Aso Gafua o le a valaau ai lenei mataupu ma aumai ai ni folasaga (submissions) a Loia o itu e lua.
Submissions by counsels of both parties will be heard on Thursday.
Christmas 🎄 Specials
- Fuafua le Malo e Toe Faatū Nofoa e Lua mo le Au Palota Tu Taulaga - October 11, 2026
- Tumau Tuia Pu’a Fuatogi Letoa i le Nofoa o Safata 2: Teena le Talosaga a Leleua - October 9, 2026
- Tuia Retains Safata 2 Seat as Court Dismisses Bribery Petition - October 9, 2026
