Home News Local Talia e le Kapeneta le Faamavaega a le Pule Sili o le...

Talia e le Kapeneta le Faamavaega a le Pule Sili o le Suavai

Na fa'afetaia e le Palemia le tautua matavela a lenei tamāli'i iā Samoa, aemaise o le si'i o lona 'ā'āo e galue ai mo le atunu’u tauala atu i le Pulega o Suāvai a Samoa.

0
208

Tusia: Pesetā Tusiga Taofiga, Gvt Press Secretariat. Ua fa’ailoa aloā’ia e le afioga i le Palemia, Susuga i le La’aulialemalietoa Leuatea Polāta’ivao Fosi Schmidt, le talia ai e le Kapeneta o le fa’amavaega a le Pule Sili o le Pulega o Suāvai a Samoa [Samoa Water Authority] le afioga iā Fuimaono Dominic Fa’ato’ialemanū Tufuga Schwalger.

O lenei tamāli’i na mua’i tofia i le 2021, ona toe tofia fo’i lea i le taimi lona lua i lea lava tofiga i le tausaga 2024.

Peita’i ua fa’ailoa lona fa’ase’etuāgalu, ona o ona tuatuagia fa’ale’āiga a ia ma si ona to’alua fa’apea si ā la fanau.

Saunoa La’aulialemalietoa, o le Faletua o Fuimaono le afioga iā Galumalemana Titi Agnes Tutuvanu – Schwalger sa avea ma Ofisa Sili o le Pulega o Fela’uā’iga i Luga o le Lau’ele’ele [Land Transport Authority].

Peitai, o lo’o galue nei o ia i Fiti, ma o le mafua’aga lenā ua fa’amavae ai Fuimaono, ae mafuta atu i lona faletua ma si a lā fanau.

Na ia fa’afetaia le tautua matavela a lenei tamāli’i iā Samoa, aemaise o le si’i o lona ‘ā’āo e galue ai mo le atunu’u tauala atu i le Pulega o Suāvai a Samoa.

Saunoa La’aulialemalietoa, se taimi ona valā’au lea o Fuimaono, e momoli aloā’ia ai se fa’afetai fa’apitoa a le Kapeneta, i nei tausaga e tele o lana tautua lē fa’alogologotigā.

O se auauna āoga, ma e lē fa’atemeteme lana galue mo Samoa i nei tausaga e tele.

Tusiga Taofiga

LEAVE A REPLY

Please enter your comment!
Please enter your name here