E oo atu i le taeao o le Aso Lulu 11 Mati, ua silia ma le $2,677,800 miliona tala ua tufatufaina atu i le tusa ma le 17,852 tagatanuu Samoa, i lalo o le fesoasoani mo le Toe Foi o Fanau i Aoga. Ae o lea fuainumera o loo siitia pea i aso uma ao faagasolo le tufaina o lea faamanuiaga, seia soo tagatanuu uma o Samoa.
O lenei polokalame mo se faamāmā avega i le toe fo’i o le fanau i aoga, e agavaa ai tagatanuu uma o Samoa i le tai $150 tala, e aofia ai fanau uma o tagatanuu taitasi.
I faamaumauga a le Matagaluega o Tinā ma Tamaitai, Atinae o Afioaga ma Agafesootai, sa amata aoina mai i le Aso 28 o Fepuari, ma o loo faaaogaina ai se WebbApp i luga o upega tafailagi.
E 25 itumalo o loo tuuina atu a latou faamaumauga ma resitala tagatanuu i luga o lea resitala faale-upega tafailagi.
E mautinoa ai foi i ia faamaumauga le tufaina ma le faamaoni o le seleni, ma ia aua nei tufa faalua atu i soo se tasi, ae maise le fanau o loo faaaogaina a latou pepa fanau, e faamatuu atu ai a latou seleni.
E tusa ai ma faamaumauga a le Matagaluega o Tina ma Tamaitai, e lata tutusa lava le faitau aofai o alii ma tamaitai ua lesitala i lenei polokalame. E 8,945 alii, ae 8,907 tamaitai lea ua maua le $150.
Ua faamauina foi le 386 tagata e iai manaoga faapitoa, faapea ma le 1,182 tagata matutua o loo maua penisione, ua aofia ai foi i le lesilata ma ua maea ona tufaina atu iai le $150.
I le vaevaega o tausaga, o loo aofia ai vaega eseese o le atunuu, e amata mai i fanau laiti e 0–4 tausaga, fanau aoga tulagalua ma tulagalua maualuga, seia oo atu i tupulaga talavou ma tagata matutua.
O le vaega pito sili ona toatele o i latou e 45–64 tausaga, ae sosoo ai ma fanau i le va o 5–12 tausaga.
O se vaaiga matautia le tumutumu o matua i le Ofisa o Pepa Fanau, ona e tatau ona tuuina atu le pepa fanau o tamaiti e resitala ai ma tala ai i tua a latou $150.
Ua faamauina foi i nei faamaumauga le 386 tagata e iai manaoga faapitoa, faapea ma le 1,182 tagata matutua o loo maua penisione, ua aofia ai foi i le lesilata ma ua maea ona tufaina atu iai le $150.
O se vaaiga matautia le tumutumu o matua i le Ofisa o Pepa Fanau, ona e tatau ona tuuina atu le pepa fanau o tamaiti e resitala ai ma tala ai i tua a latou $150.
Ae mo le tele o Itumalo i Savaii ma nuu i tua, o loo filemu pea ma faagasolo lelei le tufaina atu o seleni, e pei o le Itumalo o Palauli 3.
Sa matauina le faagasolo lelei o le latou polokalame sa faatino i le Aso 9 o Mati mo le toatele o le Itumalo.
Ae o loo tatala pea le avanoa mo ē sa le oo atu, e maua ai latou $150 mai le Ofisa o le Fonofaavae.
Paù Oloa i le SOS – Togafuafua ma Salelologa
- Little Rina Wins Inaugural Measina Festival Fautasi Race - September 3, 2026
- Miss Taumeasina Island Resort Inspired by Her Grandparents - September 2, 2026
- Lise Marie Schmidt Pleads Guilty to Misleading Police with Damaging Lies about Samoa’s then Prime Minister Hon Fiame Naomi Mata’afa - September 2, 2026
