Sainigalima a Itumalo e 4 mo le Miliona Lonalua

Ua maea iloiloga o ripoti a suetusi i le faaogaina o le $1,000,000 muamua..

0
2346

Aso Gafua 27 Me 2024. Pepa o Faamatalaga, Matagaluega Tina ma Tamaitai, Atinae o Afioaga ma Agafesootai.  O le taeao o le Aso Gafua 27 Me 2024 sa faatautaia ai i le Fale Tupe Tutotonu o Samoa (CBS) i le Ofisa o le Matagaluega o Tupe le sauniga o le sainigalima a le Malo o Samoa ma Fono Faavae a Itumalo e 4 mai Upolu ma Savaii;

1. Gagaifomauga 1

2. Gagaifomauga 2

3. Aiga i le Tai

4. Faleata 3

I le maea ai o iloiloga o ripoti a suetusi i le faaogaina o le $1,000,000 muamua, ua pasia aloaia ai e le Komiti Faafoe (Steering Committee) i lana fonotaga i le Aso 23 o Mati 2024, le faasainiina o maliega mo le miliona lonalua ma le faamatuuina atu o le $160,000 (16%) mo le faagaioiina o Ofisa o Fono Faavae a Itumalo.

O afioga i Faipule (Taitaifono), Sui Taitaifono ma Failautusi, o Fono Faavae, na fai ma sui o Fono Faavae o Itumalo uma e 4 mo le faatautaia o le sainigalima.

Na saunoa le Minisita o Tupe le Afioga ia Lautimuia Uelese Afoa e fai ma fofoga o le Malo, e faafetaia Fono Faavae o Itumalo i le onosai ma le lava papale a’o faagasolo faatinoga o le Miliona Muamua FY2022-2023.

O le fautuaga a le Afioga i le Minisita, ia usitaia taimi fuafuaina o le faagasologa o le Miliona lona Lua ma ia mulimulitaia taiala ma faiga faavae ma ia galulue faatasi ma le Matagaluega aua le manuia o atiinae a Itumalo.

Ata Pueina – Malo o Samoa (Leaosa Faaifo Faaifo)