I le ava ma le fa’aaloalo tele, e logoina ai le mamalu o le atunuu i nofoaga o le a fa’aauau ai tui puipui o le KOVITI-19.
O le vaevaega nei o nu’u ma afioaga o le a soso’o mo le silafia;
• Sone 5 – Aso Gafua 24 – Aso Faraile 28, Me 2021 – Itumalo Fa’apalota Sagaga 1 ma Sagaga 2
• Taimi e Tatala ai: 9 Taeao – 6 afiafi.
O lo’o fa’asavali fo’i le fa’atinoina o auaunaga i nu’u ma afioaga o le itumalo ina ia mautinoa e maua uma tagata e tatau ona fai tui puipui.
E fa’aauau pea le fa’atinoina o tui puipui i le taimi nei i nofoaga e 6 olo’o tau’a i lalo, ma o lo’o avanoa pea nei nofoaga e fa’atino ai tui puipui mo so’o se tasi.
O i latou uma E LĒ TATAU ONA FAI TUI PUIPUI e aofia ai;
• Tagata uma i lalo ifo o le 18 tausaga le matutua
• Tina ma’i to ma tina o lo’o fa’asusu a latou pepe
• O i latou o lo’o ma’i tigaina i maota po’o le falemai
• O i latou o lo’o vaivai puipuiga fa’alenatura e aofia ai ma i latou o lo’o faatinoina togafitiga e pei o le Kanesa fa’atasi ai ma
• I latou o lo’o gasegase i le taimi o lo’o fai ai le tui
E LEAI SE TOTOGI o le faatinoina o tui puipui o le KOVITI-19.
Fa’amolemole aumai sou pepa fa’amaonia (ID), tusi folau po’o se pepa fanau mo le fa’amautuina o fa’amaumauga. O le a fesoasoani le aufaigaluega i fa’amatalaga uma o le tui puipui i le aso ma le taimi e fa’atinoina ai.
Mo nisi faamatalaga, fa’amolemole fa’afeso’ota’i;
• Telefoni vili fua 800-6440.
• Upega Tafa’ilagi: www.health.gov.ws; MOH Facebook; Government Facebook
O le a fa’aauau pea ona logoina le mamalu o le atunu’u atoa i le fa’agasologa o le tatou tui puipui.
Fa’afetai,
Leausa Samau Dr. Take Naseri
Faatonu Sili Aoao
Matagaluega o le Soifua Maloloina
