Ua tuuina mai le faaiuga a le Kapeneta e tusa ai ma aiaiga o le Laasaga Lua (Alert Level 2) o loo ua iai nei Samoa, e faamaonia ai le toe tatalaina lea o faigamalaga i le va o Upolu ma Savaii, mo vaa alalo faape foi ma vaalele.
“Le tatalaina o femalagaiga a vaa i le va o Upolu ma Savaii ae ia le sili atu ma le 30 tagata;
“Le tatala o femalagaiga a vaalele i le va o Upolu ma Savaii ae ia tausisia aiaiga mo puipuiga o le faama’i;
Ua faapena foi ona tuuina mai aiaiga mo auaunaga o pasi ma taavale lau pasese, e faatapulaa ai le fainumera o tagata e faatagaina.
“Le tatalaina o feoaiga a pasi ma taavale la’u pasese ae ia faatapulaa le numera o pasese a pasi i le 20 tagata, taavale la’u pasese laiti i le 2 tagata ma taavale la’u pasese (vans) i le 8 tagata;
E ao foi ona tausisia tulaga masani o le 2m (lua mita) e va ai ma le isi tagata, o faia lea o mask poo ufi fofoga, faapea le faamalosia o le iai o lau pepa tui (vaccination card) i taimi uma.
O nisi tulaga o loo tapu pea ma le faatagaina, e aofia ai taaloga, o pa pia ma le faatauina atu o le ava malosi. E faaauau foi le tapunia o aoga uma, faapea iunivesite. O auaunaga a le Malo faapea pisinisi tumaoti, e aofia ai ma faleoloa, e mafai ona tatalaina i le va o le 6 i le taeao, ma le 2 i le aoauli (6am to 2pm).
O le Pepa o Faamatalaga i le Iugafono a le Kepeneta, Aso 4 Aperila 2022, ua lomiaina atu i lalo:
IUGAFONO A LE KAPENETA, Aso 4 Aperila 2022.
FAUTUAGA MO ISI LAASAGA I LE FAAIUINA AI O VAVAO I LE LUA (2) VAIASO TALU AI I LALO O LE LA’ASAGA 3. (Aso 4 Aperila 2022.
I lana Fonotaga FK(22)Faapitoa 18 o le Aso Gafua 4 Aperila 2022, na talanoaina ai e le Kapeneta le Pepa PK(22)290 ma faamaonia ai e faapea:
I. Le se’e mai o Samoa i le Laasaga lona lua (2) lanu moli mo lapataiga o le faama’i o lKoviti 19 faatasi ma ona teuteuga;
II. O nei teuteuga e amata faamamaluina mai le vaeluaga o le po o le Aso Lua, 5 Aperila 2022 seia aulia le vaeluaga o le po o le Aso Lua, 19 Aperila 2022 e pei ona faailoa atu i lalo:
i. Le tapunia o femalagaiga faava-o-malo mo vaalele ma vaa la’u oloa sei vagana ua iai se faamaoniga a le Kapeneta;
ii. Le faamalosia o le faatinoina o siaki faasoifua maloloina i malae vaalele faapea uafu mo faigamalaga;
iii. Le faamalosia o le fa’aaogaina o auala faatekonolosi e pei o le Samoa Travel Tracer App e fesoasoani i le sailia o i latou ua aafia i be faama’i o le Kovitil9 iv. Le tuuina mai o faamaoniga mo faigamalaga uma a vaalele, vaa la’u oloa ma vaa la’u uta mai le Matagaluega o Galuega, Felauaiga ma Atinae Eseese mo le silafia aua fuafuaga talafeagai e tusa ma aiaiga a le Faalapotopotoga Faavaomalo o Vaalele Sivili;
v. Le faatapula’a i le 30 tagata e mafai ona auai i maliu ma Sauniga lotu ae mo isi potopotoga e na o le 15 tagata ma is tausisia aiaiga mo le puipuiga o le Koviti 19;
vi. Le tapu o tamaiti e i lalo ifo o le 12 tausaga i so’o se nofoaga faitele ma feavea’i i totonu o taavale se’i vagana le faatinoina o tuiga mo latou;
vii. Le tatalaina o feoaiga a pasi ma taavale la’u pasese ae ia faatapulaa le numera o pasese a pasi i le 20 tagata, taavale la’u pasese laiti i le 2 tagata ma taavale la’u pasese (vans) i le 8 tagata;
viii. Le tapu ona tumutumu tagata i Malae Vaalele ma Uafu;
ix. Le tatalaina o femalagaiga a vaa i le va o Upolu ma Savaii ae ia le sili atu ma le 30 tagata;
x. Le tatala o femalagaiga a vaalele i le va o Upolu ma Savaii ae ia tausisia aiaiga mo puipuiga o le faama’i;
xi. Le tatalaina o maketi, faleoloa laiti, supamaketi, fale’aiga, faletalimalo, pamu penisini ma pisinisi uma mai le Aso Gafua i le Aso Toonai mai le 6:00 i le taeao i le 2:00 i le aoauli;
xii. Le faatumauina pea ona tapunia o auaunaga uma i le Aso Sa;
xiii. Le faatumauina pea o le tapunia o fale kalapu ma pa pia;
xiv. Le tapu ona faatinoina o so’o se taaloga
xv. Le tapu o le faatauina atu o le ava malosi;
xvi. Le tapunia pea o aoga a le Malo, Ekalesia, Aoga Tumaoti faapea Iunivesite ae ua faatonuina le Matagaluega o Aoga, Taaloga ma Aganuu e fa’aauau pea le faatinoina o aoaoga e fa’aaogaina ai auala faatekonolosi faapea televise;
xvii. Le amatalia ona toe fa’aauau o galuega a le Malo mo le faatinoina o fuafuaga aMatagaluega ma Faalapotopotoga taitasi a le Malo e atagia ai a latou fuafuaga ua faatulagaina, ae ia tausisia le saogalemu o le aufaigaluega;
xviii. Le amatalia o galuega a le vaega maoti ma pisinisi e fetu’una’i i fuafuaga mo a atou galuega aemaise o puipuiga talafeagai mo le aufaigaluega ma le atunuu autova’a atu iai mai le pesia i le faama’i;
xix. Le silasila o le Kapeneta i ni auala e mafai ai ona faatupe le faatauina mai o supplies mo le atunuu atoa aemaise lava i talifofoga ma mea faitino mo suesuega o le faama’i (RATs), ma le faamatu’uina atu i le atunuu, Matagaluega ma Faalapotopotoga faapea vaega tumaoti ma pisinisi mo le fa’aaogaina;
xx. Ua faatonuina le Matagaluega o le Soifua Maloloina e faamautu tapenaga mo le health model, ina ia mafai ona faamautu tulaga moomia uma mo le aga’i atu i le lumana’i e faagasolo ai le talatalaina malie o tuaoi faavaomalo o le atunuu;
xxi. Ia faatalanoa le fetu’una’iga o malaga faaopoopo mo le auina mai o tagata i masina taitasi mai Niu Sila;
xxii. Le faamalosia o le faia o talifofoga (facial masks), fa’aalia o Pepa Tui (Vaccination Cards) faapea le tausisia o le va faatulagaina ma le isi tagata;
xxiii. Ua faatonuina le Komiti o Faalavelave Faafuasei (NEOC) ina ia faataoto mai isi laasaga i le mae’a ai o lenei lua vaiaso.
E faatumauina pea isi aiaiga o Poloaiga o Faalavelave Tutupu Faafuase’i ua faatulaga i lalo o le Laasaga 2.
O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.
(1)
