Faaopoopo le 66 o e Aafia i le Faamai Koviti-19 – Siitia le

0
47

Ua fa’amaonia mai e le Matagaluega o le Soifua Maloloina le fa’aopoopo ai o le to’a 66 fou ua a’afia i le atunu’u lautele, ma ua si’itia ai le aofa’i o le mamalu o le atunuu mai tua ua a’afia i le KOVITI-19 i le taimi nei i le 247.

O lenei 66, sa maua mai lea ina ua maea ona faatinoina ni suega poo tests e 1,510 i le aso lava lea, Aso Gafua 21 o Mati 2022. O lona uiga e na o le 5 pasene o e o loo fai suega, o loo maua i le faamai.

E o gatasi lea pasene ma le fautuaga ua tuuina mai e le Pule Sili Lagolago a le Matagaluega o Soifua Maloloina ia Tagaloa Dr Robert Thompsen, sa fautuaina ai le mamalu o le atunuu, e aua nei agai atu e faatino test pe afai e le o iai ni auga o le faamai. Sei vagana ai la nisi e le o iai auga, ae ua mautinoa sa fesootai vavalalata ma se tasi ua maua (close contacts).

E 17 nofoaga fa’apitoa e 17 fa’atasi ai ma nisi o nofoaga fa’apitoa i le soifua maloloina e pei o falemai faaitumalo, o loo faatinoina ai nei suesuega (screening and testing sites).

Ua fa’amaonia mai foi e le Matagaluega o le Soifua Maloloina, o le aofaiga atoa ua iai nei tagata ua a’afia i le siama o le KOVITI-19 i le taimi nei, e 262 e aofia ai le 15 o i latou mai i le faigamalaga mai i Niu Sila i le Aso 06 Mati 2022, lea o faanofoeaea lava le pasese.

I le taimi nei, o lo’o fa’aauau pea su’esu’ega ma sa’ili’iliga a le Matāgaluega o le Soifua Mālōlōina mo i latou e 428 sa feso’ota’i vāvālalata ma i latou ua a’afia (close contacts).