𝐅𝐀’𝐀𝐒𝐀’𝐎𝐆𝐀 𝐎 𝐓𝐀𝐋𝐀 𝐒𝐄𝐒Ē 𝐈 𝐋𝐄 𝐌𝐀𝐋𝐀𝐆𝐀 𝐅𝐀’𝐀𝐓𝐀𝐒𝐈 𝐎 𝐋𝐄 𝐏𝐀𝐋𝐄𝐌𝐈𝐀 𝐌𝐀 𝐋𝐎𝐍𝐀 𝐀𝐓𝐀𝐋𝐈’𝐈 𝐈Ā 𝐀𝐍𝐒𝐋𝐄𝐌 𝐒𝐂𝐇𝐌𝐈𝐃𝐓. [𝐒𝐨’𝐨’𝐮𝐩𝐮 𝐚 𝐥𝐞 𝐌ā𝐥ō]: O lenei Pepa o Fa’amatalaga aloā’ia mai le tatou Mālō, e fa’asa’o ai tu’uā’iga sesē ma lipoti lē fa’avāea, ua salalau solo i luga o upega tafa’ilagi.
Ua tuuina mai lenei faasaoga, ona ua agiga foi ni faamatalaga sese ua tu’uā’ia ai le fa’atupe e le Mālō o le malaga a se alo e fa’asino i le afioga i le Palemia, Susuga i le La’aulialemalietoa Leuatea Polāta’ivao Fosi Schmidt.
E le o se vaaiga fou le galuega tautua a le afioga iā Anslem Schmidt, e fesoasoani ai i lona tuaā, le afioga i le Palemia, ma faapena ai foi ona auai atu i le si’igā gasegase a le Ta’ita’i o le Mālō i Niu Sila i le vaiaso nei.
E tāua le manino o le itu lenei, e taofia ai le saga fa’asalalauina pea o fa’amatalaga sesē e ta’u mauālaloina ai tamāli’iaga o se tasi, e aunoa ma se fa’amaoniga.
O le fa’amoemoe autū o le malaga fa’atasi ai o le Palemia ma lona atali’i, ona o lo’o feagai lona alo ma galuega pitoa lava i le Ta’ita’i o le Mālō [Personal Support].
E leai, leai lava se sene ‘apa a le Mālō, o fa’atupe ai le totogiina o pasese, nofoaga o lo’o fa’amautū ai, ma nisi vaega mo’omia mo le atali’i o le Palemia, ma o lo’o totogi tasi lava e le Ta’ita’i o le Mālō ma lona ‘āiga, le malaga atoa a Anslem. E le’o totogia fo’i e le Mālō ia Anslem i taimi o lo’o galue ai mo si ona tua’ā.
E tāua pea, le vā’ili’ili manino o itu nei, i lo le ‘ave sesēina e nisi, ma foliga ai ua mo’i se tala sesē o fatu e nisi ma fa’asalalauina i upega tafa’ilagi.
O le fa’asoaina o seleni a le Mālō i le itu tau faigāmalaga fa’alemālō, o lo’o aiaia lava e tusa ma ala fa’aletulafono, fa’atasi ma faiga fa’avae ma ta’iala mautū, ua ta’oto e lima ta’ita’iina ai le fa’aāoga tatau o seleni a le Mālō mai lea taimi i lea taimi.
E fautuaina ai pea le mamalu o le atunu’u, na’o fa’asalalauga aloā’ia e tu’uina atu i lo tatou Mālō, o lo’o avatu ai fa’amatalaga moni, sa’o, atoatoa, ma le manino, e tusa o matā’upu ma’ale’ale fa’apea.
O le solitulafono, le faia o ni fa’amatalaga sesē e ta’uleagaina ai tamāli’iaga o se isi tagata.
- Justice Alalatoa Rosella Papalii Receives Distinguished Alumni Award - October 11, 2026
- Samoa Wins Best Host Country Recognition at Miss Global - October 9, 2026
- ‘Ia Manumalo’: Signature Choir Releases New Anthem - October 9, 2026
