E Faia e Le Atua mea e Matuā Silisili Atu i lō mea e Tatou te Talosaga Atu ai

October 4, 2026

O le tatou Atua Silisili Ese, e na te mafai ona faia mea e matuā sili atu i lo o mea tatou te talosaga atu ai pe tatou te mafaufau fo’i iai.

E leai se gataaga (immeasurable) o mea matautia e mafai ona faia e Le Atua mo i tatou, o lana fanau.

He can do for us things exceedingly abundantly and immeasurably more than what we ask or can even imagine.

Efeso 3:20 “O lea, ia iā te ia o lē na te mafaia ona fai o mea e matuā sili atu i lo o mea e tatou te talosaga atu ai pe e mafaufau i ai, e tusa ai ma lona mana lea e galue iā i tatou.”

Ephesians 3:20 “Now to him who is able to do immeasurably more than all we ask or imagine, according to his power that is at work within us.”

Viia Le Atua mo lenei Aso Sapati. O se aso e mafai ai ona tatou faamaualalo ai, ma tatou manatunatu ai i le mata’utia o lo tatou Tama Silisili Ese o i le lagi.

Ua mavae atu lena vaiaso i feau ma galuega sa feagai ai, ae ua tatou maua lenei aso mālōlō tāua, e tatou te fifilemu ai, ma tatou mafuta ai ma nai a tatou aiga, ae tatou te le’i agai atu mo le faaauauina o galuega i le vaiaso fou.

Ae o se avanoa tāua fo’i tatou te mafuta ai ma lo tatou Tamā o i le Lagi, ma suesue lona finagalo mo i tatou. O le tatalo, ia tatou maua le musumusuga a le Agaga Paia mo i tatou.

E faamanatu mai pea le silisili ese o Le Atua i lana Upu. O lo’o faamautinoa mai ai fo’i, o loo iai ana fuafuaga mata’utia mo i tatou. Jer 29:11 God has great plans for us, plans to prosper us and protect us.

Fai mai Paulo, e lē taitai lava ona o’o tatou mafaufau i le telē ma le maoa’e o mea e mafaia e Le Atua mo i tatou lana fanau, o ē e alolofa ia te ia.

E oo lava i mea tatou te talosaga ma fesili atu ai. Fai mai lana Upu, e na te mafaia mea e sili atu nai lo mea tatou te talosagaina. Exceedingly abundantly and immeasurably more than what we ask for or can even imagine!

1 Koronito 2:9 “O mea e leʻi vaaia e ni mata, ma leʻi lagona e ni taliga, e leʻi oʻo foʻi i le loto o se tagata, o mea ia ua saunia e le Atua mo i latou e alolofa iā te ia.”

1 Corinth 2:9 “What no eye has seen, what no ear has heard, and what no human mind has conceived — the things God has prepared for those who love him.”

SGN provides free public notices to SamCo and all high schools in Samoa.

O le tatalo, ia faamanuia mai Le Atua i a tatou fuafuaga uma o lenei vaiaso fou o le a tatou savalia. Ia tatou sauni atu ma le faatuatua, e tălia mea tetele o le ā ia faia mo i tatou uma lava, o lana fanau e alolofa ma le faamaoni iā te ia.

Let us prepare this week to receive God’s exceedingly abundant blessings for us, and stand ready in steadfast faith for the great things He has in store for us.