Ua tuuina mai e le Ofisa o Faigapalota le faagasologa mo Palota Laiti o le a faatinoina mo itumalo o Falealili 1 ma Vaimauga 3, lea ua faamoemoe o le a faia i le Aso Faraile 18 Setema 2026.
O le Aso Faraile nei, Aso 28 Aukuso 2026, o le a tatala ai le avanoa mo le tuuina atu o resitara mo Sui Tauva; mai le 9 i le taeao ae tapunia i le 4 i le afiafi.
O le Aso Faraile 4 Setema i le 12:00pm i le aoauli e faagata ai le toe faaui i tua o suafa o Sui Tauva ua fia filifilia.
O le Aso Lulu 16 i Setema e faataunuu ai Palota Muamua poo Pre Polling.
O le nofoa o Vaimauga 3 ua avanoa nei ina ua faaleaogaina e le Faamasinoga le faaiuga o le palota laititi, lea sa manumalo ai le afioga ia Lautimuia Afoa Uelese Vaai
Ae o le nofoa o Falealili 1 ua avanoa nei ina ua faaleaogaina e le Faamasinoga Maualuga le iuga o le palota tele, lea sa manumalo ai lē sa avea ma Sui Palemia le afioga ia Toelupe Poumulinuku Onesemo.
O le itumalo o Vaimauga 3, o lea ua faalua ai ii ona faatinoina e le Ofisa o Faigapalota se Palota Laititi, ma faatolu ai ona agai i lana faigafilifiliga i totonu o le 12 masina.
Ae o le itumalo o Falealili 1, sa molia e Tuiloma Lameko ia lē sa manumalo i le palota ia Toelupe Maoiautele Poumulinuku Onesemo.
Sa toe taumafai atu Tuiloma Lameko e ave i tua le mataupu, peitai, e le’i taliaina e le Faamasinoga o Faigapalota ona o se alāleo (recording) na tuuina atu i luma o Alii Faamasino.
Avanoa Faigaluega
Great Deals!
- Commonwealth Medalists Honored by Vodafone Samoa with Gifts - August 21, 2026
- Aso 18 Setema e Faataunuu ai Palota Laiti mo Falealili 1 ma Vaimauga 3 - August 21, 2026
- Tōfia Tuiā Pu’a Fuatogi Letoa ma Minisita Lagolago Fou - August 18, 2026
