Ua amatalia aloaia le fausiaina o le falema‘i fa‘apitoa tumaoti a le Pacific Specialist Healthcare (PSH) i Salelologa, Savai‘i. O se atina‘e ua faamoemoe e aumaia ai auaunaga faafoma‘i fa‘apitoa ma togafitiga faaonaponei mo tagatanuu o Samoa.
O le falema‘i o le a fausia i luga o le 10 eka o fanua i Salelologa sa faamatuuina atu e le Malo e pei ona saunoa iai le afioga i le Alii Palemia le Susuga ia Laaulialemalietoa Leuatea Polataivao Fosi Schmidt.
O lenei galuega o loo fuafua e mae‘a i totonu o le 12 i le 14 masina, ma e tele aiaiga e moomia ai le mata’itū lelei.
O le faamoemoe autū o lenei atina‘e, ia faaitiitia le tulaga o loo feagai ai ma le toatele o gasegase Samoa, lea e malaga atu ai i atunuu mamao mo togafitiga fa‘apitoa e lē o maua i totonu o le atunuu.
I le saunoaga autu a le Palemia sa ia tā’ua ai o le isi lea faamuamua a le Malo, o le soifua maloloina o tagatanuu uma o le atunuu. “Ua silia ma le 12 miliona tala le tupe faaalu a le Malo e avatu ai gasegase Samoa i atunuu i fafo, i tausaga taitasi.”
Na saunoa le Pule Sili o le PSH, le afioga ia Tagaloafaaofonuu Parvish Kumar, o lana miti ma lana vaai mamao, o le fausia lea o se auaunaga faafoma‘i faaonaponei e mafai e tagata uma ona latou mauaina, ma ia faalautele atu auaunaga fa‘apitoa a le PSH i isi atunuu o le Pasefika.
O le sini autu o lona faamoemoe, ina ia aua ne‘i avea le mamao ma le taugata o femalagaa‘iga ma mafuaaga o le a lē mafai ai ona oo atu auaunafa e tagata Pasefika o loo moomia togafitiga fa‘apitoa.
Ua mae‘a ona faavaeina e le PSH ana falema‘i i Suva ma Nadi i Fiti. ma ua iai foi tagata Samoa ua malaga atu i Nadi mo togafitiga fa‘apitoa, e aofia ai taotoga o le fatu.
O le taunuu mai o le PSH i Samoa, o se laasaga tāua lea i le faataunuuina o le vaai mamao a Faaofonuu — ia aumaia togafitiga faafoma‘i faaonaponei ma tomai fa‘apitoa e latalata i aiga ma tagata o le Pasefika.
Na saunoa foi le Palemia, o loo silia ma le $12 miliona tala e faaalu e le Malo i tausaga taitasi mo le auina atu o gasegase i atunuu i fafo mo togafitiga e lē o mafai ona faia i Samoa.
O le faamoemoe, a mae‘a le falema‘i fou i Savai‘i, o le a mafai ona maua nisi o ia auaunaga i Samoa lava ia.
Elatalata i aiga, faaitiitia ai faigamalaga mamao, ma maua ai e tagatanuu Samoa avanoa i togafitiga fa‘apitoa ma auaunaga faafoma‘i faaonaponei.
O le fausiaina o le PSH i Savai‘i, e lē gata o se atina‘e fou mo le motu tele, ae o se faamoemoe fou mo aiga Samoa ina ia maua togafitiga talafeagai, i le taimi e manaomia ai, ma ia latalata pea i ē pele ia i latou.
E pei ona saunoa Tagaloafaaofonuu Parvish, o le fausiaina o se falemai tumaoti ma auaunaga faapitoa, o le a utility atinaeina ai le motu tele i Salafai.
“It will be a catalyst for the development of Savai‘i.”
“We intend to change the landscape of health service delivery in Samoa,” he said.
“I look forward to working together with you all to achieve modernised, inclusive and quality healthcare services for the people of Savai‘i and Samoa.”
O le a fausiaina fo’i se faletalimalo e 100 potu, ina ia mafai ona nonofo ai aiga pe a taunuu atu mo togafitiga o ē gasegase.
Public Notices
- Falema‘i Tūmaoti i Savai‘i e Aumaia Togafitiga Fa‘apitoa mo Tagatanuu uma o Samoa - September 16, 2026
- Court Judgement on Lealailepule’s Application for Judicial Review of AGs Decision - September 10, 2026
- O le Faaiuga ALC 7657 na Faasa’oina ai le Suafa “La’aulialemalietoa” - August 19, 2026
