O le Faafoeina o le Poloketi Miliona e Iloa ai le Ituaiga Taitai

"O lea e fai foi le faamasinoga a tatou Itumālō, poo leā le tulaga taitai lea e iai lou faipule ma lo'u faipule.."

0
290

I taualumaga o le Palemene i le vaiaso nei ao faatalanoa le Tala o Tupe faaletausaga, sa faasoa mai ai le Minisita o le Matagaluega o Tina, Tamaitai, Atina’e o Afioaga ma Agafesootai, i le tāua o le Poloketi Miliona lea o loo faamatu’u atu ai le miliona talā i tausaga taitasi mo le atiinaeina o itumalo e 51 o Samoa.

I le folasaga a le afioga ia Mulipola Anarosa Ale Molioo, sa ia laulauina ai i luma o le Palemene le aogā o le poloketi i le tamaoaiga o Samoa, ae maise o le tufa tutusa ai o seleni e faatino ai fuafuaga a lea itumālō ma lea itumālō.

Saunoa Mulipola, o se atiinae o loo faatupeina lava e alagatupe a Samoa, ma o le auga autu, “ina ia iai le saolotoga e filifili ai lava e le itumālō le mea e ave iai le faamuamua ma le faataua, e fua i vaega ma ta’iala ua uma ona faailoa e le Komiti Faafoe a le Matagaluega o loo faauluulu iai le poloketi.”

Saunoa Mulipola, e tele polokalame eseese ua mafai ona faatinoina e itumalo e pei o toe faaleleia o mataaga faaleturisi. O nisi itumalo ua tuuina atu le fesoasoani e toe faamautu atili ai le lalagaina o measina a tinā ma tamaiti, ma ua vaaia foi le faamaite mai o aoga faifeau ma study centres, e faatinoina e faafeagaiga ma o latou faletua.

I le itu tau tamaoaiga, ua faamanuia ai fo’i auaunaga o pisinisi tumaoti e pei p le vasega o Tausi Tusi, faapea ma faleoloa o loo aumaia oloa o loo moomia e itumalo mo a latou atiinae eseese.

Auaunaga faapitoa mo tinā ma tamaitai!

O le isi itu tāua sa lagā e le Minisita, ua fai Fono Faavae ma lenei poloketi atiinae ma avanoa e galulue faatasi ai faipule ma sui o nuu ma itumālō, ma malamalama ai foi le mamalu o le atunuu i le ituaiga taitai o loo iai lana Sui Faipule.

“O se itu tāua o le latalata o le faipule i lona Itumālō e militino ma ona tagata, ma maua ai se mafutaga e talatalanoa ma fefaasoaai ai i itu e faaleleia ma atiinaeina ai nuu ma itumalo..”

E pei ona silafia, o Sui Faipule o Itumalo taitasi o loo tauaveina le tofi Taitaifono mo a latou Fono Faavae. O le finagalo o le Minisita, o lenei poloketi e iloa ai e sui o nuu ma itumalo, le ituaiga taitai o loo iai le Sui Faipule.

O se avanoa e matau mai ai, pe faamasino mai ai le itumalo i lo latou Sui Faipule.

“Aua ne’i galo e le tatou saofaiga le tulaga o le Faipule. O lea e fai foi le faamasinoga a tatou Itumālō, poo leā le tulaga taitai lea e iai lou faipule ma lo’u faipule..”

Fesootai ane loa le SOS i Togafuafua ma Salelologa.

“O se taitai alofa moni? poo se taitai e vaai lava i lona tamāoaiga, poo se taitai e faamuamua ona manaoga ae faamulimuli manaoga a lona Itumālō..”

“Aua nei galo, o loo fai iai le faamasinoga a lou Itumālō ma lo’u Itumālō poo leā le ituaiga pulega lelei, o le faasoa lima lelei, ia manino, ma ia mafai ona tali atu i le amiotonu..”

Samoa is the Home of Taula. Enjoy responsibly.

Faailoa foi e Mulipola Anarosa, o loo galulue faatasi ma se tasi o sui o le Faletupe o le World Bank, ma ua maitau mai le maoae o le tulaga ua mafai ai ona faasoa atu i tua e Samoa le 51 miliona tala i totonu o le tausaga e tasi.

Visit our SOS stores at Togafuafua and Salelologa.

E ui ina sa iai lava mai itu na moomia le toe faalelei atili, ae o loo mafai lava e Samoa ona faasoa ma tufaina atu i tua i nuu ma alalafaga lenei seleni telē mo le atiinaeina o itumalo taitasi.

O lenei faiga ua leva ona faatinoina e nisi o atunuu, e pei o Solomona, Papua ma Filipaina, ae le o mafai ona faatino i se tulaga lelei.

Ina ua fesiligia e le sui o le World Bank pe faapefea e Samoa ona faamatuu atu le 51 miliona i totonu o le tausaga e tasi, sa tali Mulipola Anarosa, “ua galulue faatasi uma tagata ma ua ave le faatuatuaga a le Malo i tua i nu’u ma afioaga, ma ua agai atu fo’i i tua auaunaga”.

O le Tala o le Tupe 2024-2025 o loo iai le $51,000,000 miliona mo le tausaga lona tolu o le poloketi.

Faasilasilaga Tāua


Fuli Faafouina