E 114 le aofa’i o i latou ua molia mai ni osofaʻiga se 25 talu ona amata le campaign a leoleo e tafi’eseina ai fualaau faasaina mai Samoa.
Sa saunoa le Sui Komesina o Leoleo, le afioga ia Leiataua Samuelu Afamasaga i se faatalanoaga ma le vasega o tusitala i le asō 28 Ianuari, e toa 92 alii ae toa 22 tamaitai.
Talu mai le Aso 12 Ianuari – 27 Ianuari, e valu (8) osofaiga a leoleo na faatino, ma ua taofia ai le toa 37 o tagata.
O i latou ua molia, e aofia ai alii e 31 ma tamaitai e 6, ma o tausaga e amata mai i le 17 se’ia oo atu i le 50 tausaga.
O moliaga uma e mafua ona o fualaau faasāina sa maua i le taimi o osofaiga, e aofia ai le mariuana, aisa, pepa e ula ai mariuana, aupega faasāina faapea ma tupe.
O osofaiga sa faatino i Siusega, Falelauniu, Lotopa, Saleufi, Piu Falealili, ma Solosolo.
Ua uma ona molia i latou uma nei e toa 37, ma ua faatulaga aso o Fepuaru, e valaau ai latou mataupu i luma o le Faamasinoga.
O le a tuuina mai fo’i a latou ata mo le silafia e le atunuu e pei ona faia mo isi na taofia ia Tesema ma le amataga o Ianuari.
Na faailoa e le Sui Komesina, o loo tatala pea le Ofisa o Leoleo mo faamatalaga mai le atunuu e fesoasoani ai i le tafi esea o fualaau faasāina, ma ua faaauau pea ona faamalosia galuega a leoleo i soo se vaega o le atunuu.
“Afai e iai se tasi o loo uumia fualaau faasāina, pe iai se faamaumauga, pe silafia foi ni aiga po o ni nuu o loo iai pea ni gaioiga faapea, e matala pea ofisa o leoleo mo faamatalaga..”
Public Notices
- Poumau Tiufea Vaa, Miss Sili Ecofarm is your Miss Samoa 2026 - September 6, 2026
- Little Rina Wins Inaugural Measina Festival Fautasi Race - September 3, 2026
- Miss Taumeasina Island Resort Inspired by Her Grandparents - September 2, 2026
