E faasilasila ma faailoa atu mo le silafia e paaga uma o le faleutupe e faapea:-
Ua maitauina le faatupulaia o tupe taufaasese o loo tuuina mai i totonu o le faletupe.
Ma o loo lilifa lava nei faiga i tupe pepa $50 ma le $100.
E logologo puialii lo outou mamalu ina ia nofouta ma mataala i nei faiga taufaasese.
E fautuaina lo outou paia, ina ia matuai iloilo lelei tupe e umia ma maua mai i soo se auala. O vaega nei e ao ona mata’ituina:
- Iloilo toto’a vaega uma o puipuiga masani o tupe pepa mai faiga tau faasese, e aofia ai le ata vaaia pe a faasaga ile malamalama (watermark) laina iila-sasa’o (security thread) faapea isi vaega masani o tupe pepa moni, sa’o atoatoa ma faatulafonoina
- Siaki tulaga atoatoa o le lolomiina o le tupe pepa e aofia ai le lanu, foliga ma le tulaga lelei (quality) o le tupe pepa pea iloiloina.
- Ia mata’itu lelei tupe pepa $50 ma le $100 i tulaga e pei ona taua i luga
Afai ae masalomia nei faiga i se tupe pepa e taulimaina, faafesootai le faletupe NBS i soo se lala o latalata ane i se taimi vave mo nisi faamatalaga, pe valaau le telefoni 26766 mo nisi faamatalaga.
Tatou galulue faatasi e puipuia ma taofia nei faiga faasolitulafono, ina ia faatumauina le saogalemu o lo tatou siosiomaga tau tupe.
- God Deserves More Than Our Leftovers - November 9, 2026
- The Altar Is Not a Place We Visit, It’s Where We Live - November 8, 2026
- Samoa Launches First-Ever Basketball Teacher Training Programme to Boost Sport in Schools - November 7, 2026
