8 Ianuari 2022 Apia Samoa. O le vaitau lava lenei i le amataga o le tausaga, e lē nofoa’i ai matua i le tapenapena mo le toe foi o fanau i le aoga, ma ua maitauina ai o le faleoloa poo le kamupani a Eveni, le tasi lea o faleoloa e tumutumu iai le atunuu mo le faatauina o toniga o aoga, ma ua iloa foi lenei faleoloa i lona nofoaga masani i Savalalo.
Peitai o lenei vaiaso na molimauina ai se lala fou o le kamupani o Eveni i Sogi, e ogatotonu o le faletalimalo o le Tanoa Tusitala, ma le faletalimalo o le Lava.
Na tā’ua e se tasi o le aufaigaluega e faapea, o lenei lala na tatalaina i le vaiaso na se’i mavae atu nei, ma o le faleoloa lea i Sogi, ua vavae ese mai ai le itu tau aoga. O ofu aoga, pine aoga, ofu taalo, ato aoga ma soo se mea lava tau aoga, ae o le faleoloa autu, ua na’o mea tau elei, seevae taalo ma isi lava mea ae le toe maua ai se mea tau aoga.
Ua mafua le tulaga ia nei fenumia’i pe tumutumu ai foi le atunuu, a ia motu ese lava vaega ia ona ia saloto le tapenaga a matua mo le toe foi o fanau i aoga.
Na maua le avanoa e fesiligia ai nisi o le atunuu, mo so latou foi finagalo ae na latou faailoa e faapea, ua manaia foi lea nofoaga fou, ua latalata mai le nofoaga e pue ai pasi, ae ua manaia foi le leai o se vevesi aua ua faapito lava le auaunaga i le itu tau aoga.
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
- “Ua Tatau Ona Ave Atoa Le Faamuamua ina ia Tafi Esea le Mala o le Sauaina lea o Tina, Tamaitai ma Tamaiti.” - November 29, 2023
