8% le Tului Faaletausaga a le NPF e Tufa ai le 30 Miliona

0
88

Ole aso 1 Iulai 2021 o le a faapea ona faamatuu ai i tua le tului faaletausaga (dividen) a le faaputugatupe o le lumanai manuia o tagata (SNPF), e 8% poo le 60 miliona tala i lona tino i tupe.

O lenei 8% , ua faamaonia mai e le komiti faatonu ma le pulega a le (SNPF) mo le tausaga faaletupe e faaiuina i le aso 30 Iuni 2021.

O lenei tului e faia pea i tausaga taistasi ona o seleni a le au fai lafoga o loo faagaioi ma faaoga e le SNPF (invest).

Petai sa saunoa le pule sili o le NPF ia Pauli Prince Suhren, o se meaalofa a le faalapotopotoga ona o le tulaga pagatia o loo iai le atunuu faapea le lalolagi, lea ua mafua ai ona a’e see tofa i le pulega ma le komiti faatonu e faaauau ai pea ona totogi tupe ose vaega o le tului e  faameaalofa mo le au fai saofaga o lenei tausaga.

E $60 miliona le tau aofai o lenei pasene ae ua fuafuaina o lenei pasene e $30 miliona o le a faasafua faatupe (cash) mo le au fai saofaga, ae o le isi $30 miliona o le a fa’aalu sa’o i totonu o saofaga o le au faigaluega a le atunuu.

Saunoa le komiti faatonu a le SNPF o lenei fesoasoani e le masani ai ona faia faapea ae fiafia tele le latou komiti e fesoasoani atu i o tatou tagata ma aiga taitasi o Samoa.

Saunoa le susuga ia Pauli Prince Suhren e faapea.

“E pea le tulaga lea o le totogiina o saofaga a tagata faigaluega taitasi ona faatupulaia ma siitia faamanuiaga maua mo tagata fai saofaga ia e tele foi teugatupe maua a le tagata pea o o i taimi o retirement”

“O le siitaga lea ua faatautaia e 8% le siitaga o le totogiina o saofaga ae talu ai ona o lo’o I lalo pea si o tatou atunuu i aafiaga o le koviti-19 lea olea amataina ai lenei siitaga I le aso 1 o Iulai 2021 ae o le loto faitalia lava o le aufaigaluega ua fia siitia le totogiina o latou saofaga o le a tatalaina ai le avanoa”.

“O lenei foi meaalofa e le tau faailogaina le tufaina poo le alu i tua o lenei, e maua uma lava e tatou uma le au fai saofaga e lē afaina pe afai sa faaletonu lau NPF i se taimi lata mai poo ua leva, e te maua lava le meaalofa ma lenei faamanuiaga”.