USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1

0
3018

E USD$500 le tino tupe ua faasala ai e le Malo o Amerika Samoa le kamupani vaalele o le  Samoa Airways.

Afio mai loa i le Le Well – Savavalalo ma Salelologa.

Na faamaonia mai lea tulaga e se tasi o Minisita o le Kapeneta ina ua ia tāua, o le faasalaga tupe ua faasala ai e le Malo o Amerika Samoa le Samoa Airways, e mafua mai i le malaga atu o le Minisita Lagolago o le Matagaluega o Leoleo, Falepuipui ma Tineimu, le Afioga ia Fepuleai Faasavalu Faimata Su’a, i le Aso 3 o Novema i Amerika Samoa.

Sa malaga atu le faipule, e aunoa ma se pemita. Peitai, na taumafai le faipule e fa’aaoga lona tusi folau (diplomatic passport). Sa ia ta’u atu i sui o le immigration a Amerika Samoa, o ia o loo agai atu mo se malaga faale-galuega (official business).

O se faiga faasolitulafono i le matau mai o le Ofisa o Femagalaiga a Amerika Samoa uiga faaalia a le Sui Faipule ina ua taunuu i le malae vaalele i Tutuila.

O le tusifolau faapitoa o loo uumia e sui faipule faapea sui sinia o le Malo, ua nā o malaga faale-Malo e mafai ona fa’aaogaina ai, ae le mafai ona fa’aaoga i ni malaga mo feau faaleaiga.

O le mafuaaga lea na taofia ai i le malae vaalele le faipule, sei soalaupule nisi o tulaga e pei o lona tusi folau e ulufale ai.

O le Ofisa Konesula a Samoa i Amerika Samoa na fesoasoani ifo, lea na suiga malie ma filemu ai le mataupu, peitai, mulimuli ane logo mai e le Malo o Amerika Samoa le faafitauli i le Malo o Samoa.

Na taumafai atu se avanoa i le Ofisa Sili o le kamupani vaalele o le Samoa Airways mo se saunoaga i le faalavelave, peitai, sa feagai o ia ma fonotaga.

Ae na tā’a e se tasi o le aufaigaluega a le Samoa Airways, ua ma’ea ona faatoese le Ofisa Sili, Fauoo Fatu Tielu, agai i le Malo o Amerika Samoa i le faaletonu na tulai mai.

Ua ioeina foi e le Ofisa Sili le totogiina o le faasalaga tupe ua tuuina mai e Amerika Samoa.

O le tulai mai o lea faaletonu, lea ua mafua ai ona faatonu e le Taitai o le Malo, le afioga iā Fiame Naomi Mata’afa, ina ia faamavae le sui faipule mai lona tofiga o le Minisita Lagolago o le Matagaluega a Leoleo ma Falepuipui.

E faaauau pea le afioga ia Fepuleai i lona tofi sa filifilia ai e le atunuu i le faigapalota, o le Sui Faipule mo Salega 1.

Faasalalauga Taua