Translated from English version. Ua teena e le Faamasinoga Maualuga le talosaga a Petaia Setu e tolopo ai lona faasalaga a o faagasolo lana apili, o loo ia teena ai moliaga o le faiaiga faamalosi ma isi solitulafono tau feusuaʻiga.
Na faamaonia ia Aperila 2026 e le Faamasinoga Maualuga moliaga a le faifeau o le New Methodist Church i Vaitele Fou.
E tasi le moliaga o le toso teine, tolu moliaga o le faia o uiga matagā faasaga i se isi tagata, ma le tasi moliaga o le faaoolima matagā.
Na faamanino e le Alii Faamasino o le Faamasinoga Maualuga ia Justice Fepuleai Ameperosa Roma, e ui e iai le aiā tatau a se tagata e faila ai sana apili a o leʻi lauina le faasalaga, ae e lē o iai se aiaiga i le tulafono Criminal Procedure Act 2016, e mafai ai ona taofia se faasalaga, e leʻi tuuina mai.
“No sentence has yet been imposed, and there is therefore no sentence presently in existence that is capable of being stayed.”
Na saunoa le Faamasino e lē tatau ona avea le failaina o se apili ma mafuaaga e otometi ai ona tolopo le faasalaga, auā afai e talia lea manatu, e mafai e soo se tagata ua ta’usala ona faatuai le faamasinoga i le na o le failaina o se apili.
Na ia faamamafa foʻi le matuia o solitulafono ua faamaonia e faasaga i le faifeau ia Petaia Setu, ma le tāua mo le mamalu lautele o le atunuu, ona vave faamae‘aina mataupu tau solitulafono i totonu o le Faamasinoga.
“These are serious offences and, absent special circumstances, sentencing should ordinarily proceed without unnecessary delay.”
- Young Tuiga Maker Keeps Family Heritage and Samoa’s Measina Alive - September 12, 2026
- Court of Appeal Dismisses Mase Mahonri Schwalger’s Conviction Appeal - September 11, 2026
- Grandfather Jailed for 13 Years and 6 Months Over Sexual Offences Against Three Granddaughters - September 11, 2026
