Ua tatala i tua le toalua o Samuelu i lalo o aiaiaga a le Faamasinoga

0
1167

Ua talia e le Faamasinoga Maualuga le talosaga e tatalai ai i tua le tină o Sivai Kepi, ae talia le Aso Gafua mo se faaiuga a le faamasinoga mo Samuelu Su’a.

Sa tuuina mai e le Famasinoga Maualuga ni aiaiga e aofia ai le saini i le ofisa o leoleo i Apia i le lua aso o le vaiaso ma le taofia o  pepa malaga.

 Ua maua nei loa i lau SOS I Togafuafua poo Salelologa.

E sā ona fesootai atu ia i latou o loo molia faatasi lenei mataupu, ma e le mafai foi ona taumafai e faafesootai molimau a leoleo.

E tapu foi ona faia ni faasalalauga i luga o le social media.

I le finau atu a le afioga ia Unasa Iuni Sapolu o loo tula’i mo Samuelu ma Sivai, e leai se tulaga lamatia o le atunuu lautele pe afai e tatala i tua le ulugalii ae moomia le avanoa e feiloai ai ma fanau ma aiga ona ua leva na valavala.

O le Aso 26 o Ianuari 2024 sa taofia mai ai e leoleo Samuelu ma Sivai, ina ua tele masina o tau sailia pea.

O Fepuari na teena ai e le Faamasinoga Faaitumalo le tatala ai i tua o Sam ma lona faletua, lea o loo molia i le tuuina atu o faamatalaga le sa’o ua taitaiina sese ai se mataupu o loo suesueina e leoleo.

Sa teena malosi e le loia o loo tulai mo le Ofisa o le Loia Sili ia Leinafo Tamalelagi Strickland le talosaga e tatala ai i tua Samuelu ma Sivai, ona o lea sa sue muamua fo’i e leoleo ae sosola i lāua. O lona uiga e iai le avanoa e toe sosola ai fo’i (flight risk).

Peitai sa tuuina mai e le Faamasinoga Maualuga le tatala ai i tua o Sivai i lalo o aiaiga e pei ona tuuina mai.

O le Aso Gafua na e toe valaau ai le mataupu o le tatala ai i tua o Samuelu, ae sei tagataga’i le faamasinoga i vaega uma sa finauina e loia a itu e lua.

O Ie talosaga mo le tatala i tua o Samuelu ua ma’ea ona faia iai le faaiuga a le Faamasinoga Faaitumalo lea na tuuina mai ai mafuaaga uma o le teena.