Ua taofia ma molia e leoleo le alii o Toese Tuuga ma nisi alii e toalima i soligatulafono tau laau faasaina

"O le alii o Toese Tu’uga, e faapea sa tuli sana faasalaga a'o iai i atunuu mamao, peitai, na ma’ea lea faasalaga ma toe tipoti mai ai i Samoa nei..

0
729

O le afiafi o le Aso Lua 14 Me 2024 na taofia ma moliaina ai le alii o Toese Tu’uga, lea  sa tau sāilia e leoleo i le lua vaiaso talu ai.

O Toese Tu’uga, 37 tausaga mai Vaimoso, sa sailia e leoleo i lona faapāpā o se laau malosi i le afioaga o Vailoa.

O ia fo’i o loo masalomia i le faalavelave lea na lavea ai se alii talavou i Sinamoga, ina ua tu se taavale ma tafaga mai se solo a talavou o le afioaga sa sāvalivali i le aualatele.

E pei ona faasoa mai ai le tinā ia Eseta, o si ana tama lea sa faamanu’alia. O luma tonu lava o le latou fale i talane o le falesa Metotisi i Sinamoga, sa faalogoina ai le pā o le fana.

“Na faate’ia a’u ina ua tu’itu’i mai le faitotoa i lenā po, ma ou iloa ai o si a’u tama o loo lavea i le laau malosi lea sa faapā..”

O le molimau a le atalii sa fa’amanu’alia i le pulufana, e pasi ane se taavale lanu uliuli o loo latou sāvavali atu i autafa o le auala ma nisi lava o talavou o le latou nuu.

Sa latou lagona mamao mai lava le alamū atu o le taavale i o latou tua.

“Sa maoae le saoasaoa tele o le taavale, lea matou te faalogo atu o loo agai mai i matou tua..

“Na faafua ai loa e le isi alii se togi aga’i i le taavale, ona o le saoasaoa.. e le’i iai se maa ia te ia ae na o le faafua lava o lona lima aga’i le taavale lea e alamu atu ma le saoasaoa tele.”

Na pasi le taavale ma tu loa i luma o i latou, e tusa ma le 50 mita le latou vā.

O le kolosi (pedestrian crossing) tonu lea i talane o le sign Digicel, lea sa tu mai ai le taavale, ma faapa mai ai se fana i le sāvalivaliga a talavou.

“Ou te le’i i vaai i se isi o alu i fafo ma le taavale, peitai, na ou te’i i le pa o le fana ma ou lavea ai…

O le atalii sa lavea lona vae i le pulufana i Sinamoga..

“Na ou saofai i autafa o le auala ae ua toe alu lena o le taavale.”

I le maua ai o lenei alii o loo faasalalauina e le Matagaluega o Leoleo, sa taofia mai ai fo’i ma molia ai ma nisi alii e toalima.

“Sa fa’atino galuega o le tau sāilia o lenei alii ma maua mai ai nisi alii se toalima (5) ma ua taofia nei i moliaga e fesootai i fualaau fa’asaina.”

“O le toafa o nei alii ua taofia nei mo le Aso 27 Me 2024 e valaauina ai a latou fa’amasinoga..

“O le alii sa tausāilia ua taofia nei mo le Aso 28 Me 2024 e valaau ai lona fa’amasinoga..

O le tasi o alii ua tatala i tua e tālia ai le valaauina o lana fa’amasinoga i le Aso 18 Iuni 2024.

I faamaumauga a le Matagaluega i le talaaga o lea alii o Toese Tu’uga, e faapea sa tuli sana faasalaga ao iai i atunuu mamao, peitai, na ma’ea lea faasalaga ma toe tipoti mai ai i Samoa nei (deported).

“E momoli atu ai le fa’afetai ma le fa’amalo i le atunuu lautele mo la outou lagolago i la tatou galuega soosoo tauau mo se 🇼🇸 Samoa Saogalemu🤝”

🚨LOCATED & CHARGED🚨

Samoa Police, Prisons and Correction Services wishes to inform the public that the wanted individual has been located and charged. SPPCS also carried out searches in connection to Mr Tuuga and arrested five (5) other individuals in connection to illicit drugs.

Four males have been remanded in custody until 27 May 2024 for mention. The said wanted individual is also remanded in custody until the 28 May 2024 and one male has been release on bail until the 18 June 2024 for mention.

We wish to acknowledge the ongoing support of the community to the work of the Samoa Police, Prisons and Correction Service in ensuring a SAFE SAMOA🙌👏 Fa’afetai Samoa!