Ua toe autasi le finagalo a le Komisi Faamasinoga o Fanua ma Suafa e faaopoopo ai le isi 12 masina e tauave ai pea e le Afioga ia Lesatele Rapi Vaai, le tofiga Peresetene o le Faamasinoga o Fanua ma Suafa.
Na faamaonia mai lea tulaga e le Tamaitai Minisita o le Matagaluega o Faamasinoga, le Afioga ia Matamua Vasati Pulufana.
Saunoa Matamua, “Ua maea le fonotaga o le Komisi. O sui na auai o le Taitaifono o le Komisi Galuega a le Malo, Faamsino o le Faamasinoga Maualuga ma le Resitara poo le Ofisa Sili o le Matagaluega Faamasinoga, ma toe autasi ai lo latou finagalo e toe faaopoopo le isi 12 masina i le Peresetene o loo iai nei, Lesatele Rapi Vaai, na te toe tau avea ai le tofiga taua.”
Saunoa le Minista, “O le faaiuga foi o le Komisi o loo sosolo lava i aiaiga o le teuteuga pei ona pasia i le 2020, lea o loo manino mai ai le tulafono faavae, o loo faapea mai, e mafai e le Ao o le Malo ona faamanuia se tofiga e faavae lea i luga o se fautuaga a le Palemia, e fua i aiaiga o loo faailoa mai i le faavae.”
O le Afioga Lesatele Rapi Vaai, sa avea ma Faamasino Sinia i le Faamasinoga Maualuga seia oo ina litaea i le tausaga e 2017, ona ia tauaveina lea o se tulaga faa-faamasinoga i Nauru. Sa toe valaauina o ia e le Famasinoga Maualuga i le tausaga 2020, e fesoasoani i talosaga o faiga palota.
O Novema o le tausaga talu ai na filifilia ai Lesatele Rapi Vaai, e avea ma Peresetene o le Faamasinoga o Fanua ma Suafa, ina ua faamuta le konekarate a le sa avea ma Peresetene, le Afioga ia Fepuleai Attila Ropati.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
