Ua Faamutaina se Auaunaga Sikareti ona o le lē Totogiina o le Laisene Pisinisi

0
2235

O se feiloaiga a le afioga i le Palemia Fiame Naomi Mataafa ma tusitala i le vaiaso nei, sa ia tā’ua ai se tulaga ua tāpunia ai nei le kamupani sikaleti, o le Superwing Limited i le afioaga o Falelauniu.

Sa saunoa le Palemia i se latou asiasiga na oo atu ai ma feiloai ma kamupani gaosi oloa (manufacturers) i totonu o Samoa.  Sa taulamua ai le Matagaluega o le Leipa, Alamanuia ma Pisinisi (Ministry of Commerce Industry and Labour MCIL) lea na taitaiina ai e le afioga i le Minisita ia Leatinuu Faumuina Wayne Fong ma lagolago atu iai ma le afioga i le Sui Palemia, Tuala Ponifasio i lona tulaga o le Minisita o Lafoga, faapea ai foi ma le afioga i le Minisita o Faatoaga ma Faigafaiva, Laauliolemalietoa Leuatea Polataivao Schmidt.

Na saunoa le tamaitai Palemia o le latou asiasiga sa latou agai atu i tulaga o pisinisi e gaosia oloa, aua o se tasi nei o vaega tāua o atinae o le atunuu aemaise pisinisi i le vaega tonu lava lea e avatu ai oloa i fafo (exports).

E maitauina foi le tulaga e iai nisi o kamupani tetele e fai ma faataitaiga ma sa oo atu iai le latou asiasiga i se tasi o Kamupani o le Superwing Limited, latou te gaosia le sikaleti.

Prime Minister Fiame Naomi Mataafa

Sa saunoa pe Palemia, o se asiasiga tau amata, ona o kamupani uma nei e iai o latou sao i le Malo e le gata i le faafaigaluegaina o tagata, ae o le fesoasoani i tupe maua a le Malo e auala mai i a latou lafoga.

“O le fale sikaleti lea ua tapunia e le faapea o le matou asiasiga, na logo mai lava i ala masani i le le ausia o tulaga e tatau ona fai i mea tau laisene ma tulaga tau o le faatinoga o le auanaga, faatasi ai ma le lē usitaia o le tulaga e tatau ona gaosia ai le sikaleti.”

“Ae e pei e mamafa lava le mataupu i le tulaga i le lē totogiina mai o laisene ma lafoga i le Malo,”

“Sa iai se mataupu faatulafono sa faapea e iai se tulafono faatonutonu,  e tatau ai ona 3 tausaga e totogi atoa ai lafoga, ae peitai pe sa iai se isi suiga sa toe talanoaina ae e lei iai se suiga,”

” Lea la ua pei e foliga mai o isi ua totogi le 3 tausaga, ao isi e lavea ai la ma le pisinisi fai sikareti lea ua alu i luga o se tonu na fai ae leo iloa po’o lea le tonu na fai pe nao le tasi ai lea o le tausaga e totogi atoa ai le latou lafoga lea sa tatau ona fai.”

Saunoa foi le afioga le Palemia ua iai Kamupani ua faailoa atu ua faamuta o latou laisene ona o le le mafai lea ona latou faamalieina nisi o aiaiga faaletulafono e galulue ai.