Ua amata ona toe alia’e le aafia ai o fanau i le gasegase o le tane susu.
I le tali mai o le Sui Ofisa Sili a le Matagaluega o le Soifua Maloloina, le Afioga Tagaloa Dr Robert Thompson, na ia saunoa ai, “E iai cases taitasi ae le o se tulaga ogaoga, faapea ua iai se outbreak, ae taua le vavao o fanau i le fale ina ia taofiofi ai le pipisi o le faamai, ma ia faatino tui puipui masani e pei ona faatulaga atu e le aufaigluega.”
I le vaai a le Matagulega i le aotelega o lenei faamai, e iaia latou e tigaina pe a oo na aafia ai, e pei o latou o fafine o loo maitaga, o pepe fou faatoa fananau mai i tina o loo aafia, aemaise i lotou o loo aafia i kanesa o le tino.
Sa saunoa le Sui Ofisa Sili, “O auga o le faamai, o le alia’e mai lea o mea pata i le tino ae sau faatasi ma le fiva, ma o se faamai e aafia tele ai fanau sefulu tausaga agai i lalo. Ae e mafai foi ona aafia ai se tagata matua e lei aafai muamua ai, ae maise fafine maitaga, o i latou e vaivai sela (cells) e tetee atu i faamai o le tino.”
O le tatalo a le Matagaluega e tauala ma i le Sui Ofisa Sili, “E taua le vaaia lelei o fanau, ia faamalolo lelei i le fale ona o le faamai e pipisi, ma siaki pe nai fai ni tui. O loo avanoa soo se falemai e mafai ai ona faatino ai ia vaega mo le puipuiga.”
O le faamanatu a le Matagaluega o le Soifua Maloloina, e sili le puipuia nai lo le tau togafitia.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
