Ua 62 Tausaga talu na faavae le Kolisi o Sanele ae ua Fesiligia le Toe Faaauau Pea o le Aoga

0
366

Ua 62 tausaga o le Kolisi o Sanele peitai, ua fesiligia lona faauauina ma e ono tapunia ona faitotoa i se taimi lata mai.

O le tulaga utiuti o le seleni mo le faagasologa o polokalame mo aso taitasi a le aoga le mafuaaga o lea tulaga.

Asiasi atu loa i le SOS – Togafuafua ma Salelologa.

E pei ona saunoa le faufautua a le Pule Sili iā Schwartz Savea Pelenato, o le seleni e faalagago iai mo le totogiina o faiaoga ae maise fo’i o le faaleleia o mea uma e manaomia mo le aoaoina o le fanau.

O se faafitauli tele lea ua feagai nei ma le Pulega o le Kolisi o Sanele, e pei ona faasoa mai ai Pelenato, o ia fo’i o se faiaoga i le laumua.

Saunoa Pelenato, o se faafitauli tele le to’a laiti o le fanau o loo resitalaina ma aooga i le kolisi. O le mafuaaga fo’i lena ia laititi ai le tupe maua, ma lē gafatia ai ona totogi faiaoga ma tali ai manaoga o le laumua.

“I le amataga o le tausaga nei e 135 le aofai o le lola na amata ai, ma nisi tamaiti aoga faaopoopo, lea ua latalata atu ai i le 170 le aofai o le fanau i le taimi nei..

“E $400 le pili aoga i le tausaga a le tamaitiiti e toatasi..

“Ae to’a 10 le aofai o faiaoga o loo galulue i le laumua i le taimi nei.”

“O le faafitauli tele lava lea, ma o itu ia ua manatu ai le Komiti Faafoe, a le mafai ona foia le faaitiitia o le resitala, ua tatau loa ona tapunia le laumua.”

Saunoa Pelenato, o loo tuu atu i luma o Le Atua i talosaga, ia alofagia le laumua o Sanele.

O le tausaga 1962 na faavae ai le kolisi o Sanele ma o lea ua 62 tausaga talu ona faavae mai.

Ua tatalo mai le Kolisi e tauala mai ia Pelenato, e tautuana le latou faamoemoe i le Aso Toanai nei, o loo tapena ai se latou tausala online e saili ai se fesoasoani mo mafatiaga o le laumua.

Public Notice / Faasalalauga Faalauaitele