Faa-Samoa

Tuuina atu Suesuega o le Forensic Audit i le Ofisa o le Loia Sili ma Leoleo

January 12, 2026

1011

“E taunuu atu le faigamalo ua pasia le lipoti o suesuega faapitoa (forensic audit) lea sa gafa ma le kamupani suetusi o le BDO mai Niu Sila. Peitai ina ua toe suesue e se Komiti Faapitoa (Sub Committee) a le Kapeneta, sa maua atu ai le telē o le faaletonu, ma mautinoa ai e telē o le tulaga o le fesiligia o le lipoti na faatino e le kamupani na faia le forensic audit.”

O se saunoaga lea a le afioga i le Palemia, Laaulialemalietoa Polataivao Fosi Schmidt i luga o le polokalame a le Tautai Ae ma le Malo i le Aso Faraile talu ai.

Na saunoa le Palemia i le tulaga ua taoto ai le mataupu o le forensic audit poo suesuega faapitoa i atiinae tetele sa faatino i lalo o le taitaiga a le vaega faaupufai a le HRPP ao tu mai i le foe.

Saunoa Laaulialemalietoa, e taunuu atu le faigamalo fou ua taatia le faaiuga o suesuega sa faatino e le kamupani suetusi mai Niu Sila le BDO, ma ua mae’a foi ona saini e lē sa avea ma Palemia i le paeaiga ua mavae.

O lea faaiuga o loo faamaonia ai “e mamã le lipoti, e leai se mea e tasi o faaletonu, ma e leai ni tuuaiga e ono atagia ai se mea sese sa fai.”

“Peitai, sa toe aumai le lipoti i luma o le fono a le Kapeneta i le tolu masina talu ai, ma matou faia ai loa se Komiti Faapitoa a le Kapeneta e latou te iloiloina le galuega ma faaiuga a le au suetusi na omai e fai le lipoti.’

Saunoa le Palemia, i le mae’a ai o suesuega a le Komiti Faapitoa na tofia e le Kapeneta, e iai vaega na alia’e mai.

“I le lipoti na tuu mai e le Komiti Faapitoa a na faamauina ai e le’i taitai mae’a le lipoti na aumai, ma e telē le suesuega e tatau ona tuliloa e faamae’a ai le lipoti aloaia sa tatau ai ona fai se faaiuga i le forensic audit.

“E tasi le masina sa tuu i le komiti faapitoa e agai e toe lauliliu mai poo le a tonu lava le faaiuga talafeagai, poo le a tonu foi le mafuaaga ua le mafai ai ona faia se faaiuga maumaututu a le au Suetusi ma le Kamupani na omai e suesue le mataupu ma tuu iai le tupe ina ia fai se faaiuga talafeagai o le forensic audit.

“Ma mautinoa ai e telē le tulaga o le fesiligia o le lipoti na faatino e le kamupani na faia le forensic audit.”

Samoa’s leading provider of ICT Solutions.

Faaalia e le Taitai o le Atunuu i suesuega sa faatino e le Komiti Faapitoa a le Kapeneta na maua ai le tele o fesili ua alia’e mai i nisi o atinae sa faatino.

Saunoa le Palemia, e telē aafiaga e tatau ona faatino iai suesuega ma fai loa faasalaga ia i latou o ē na soli le tulafono pe a mae’a ona faatino lelei suesuega a le forensic audit.

“A’o le’i mae’a le tausaga na mavae atu, na fai ai le faaiuga a le kapeneta e ave sa’o loa le fa’aiuga o le suesuega mulimuli lea na faia e le Komiti Faapitoa i le Loia Sili ma le Matagaluega o Leoleo – e vailiili loa poo a tulaga e oo iai ma faatino loa le tulaga o moliaga mo i latou o loo aafia.”

Saunoa Laaulialemalietoa, e le māmā i le silasila a le Malo vaega na alia’e mai i le suesuega a le Komiti Faapitoa a le Kapeneta.

“E le laititi le tulaga lea i le maitau a le Kapeneta i le maitau e telē tele le faaletonu i suesuega na fai, e lei mae’a lelei, e lei maua uma source documents ma risiti ma mea e mafai ai ona tuu mai se lipoti sa’o i le faaletonu na maua i vaega na suesue e le forensic audit.

“Peitai o le toe lauliliuina e le komiti faapitoa lea na toe filifilia na maua ai le telē o le mea e tatau ona faaauau ai suesuega ma faatino loa moliaga.”

Send money via nbs Until 31 January 2026

Fa’amanino e le taitai o le atunuu o le faapupulaina o vaega uma ua manatu ai le Malo e tatau ona faia suesuega.

“Ana faapea e matou te vaai atu o se mea e le talafeagai e le toe maimaua seisi taimi e toe faia ai suesuega, peitai, ua matou maitau e telē le tatau ona faapulapula e saili le amiotonu ma e le’o ni tama’i tupe mea ia na mafua ona fai le forensic audit from the beginning ma o lea la o le a tulituliloa nei.”

“E maitauina le tele o isi auala le talafeagai ma auala le sa’o ua mafua ai ona aumai le upu lea, “e leai ni faamaumauga, e le’i maua i latou na faia, e lei maua ni tulaga e faamaonia ai ni mea piopio na fai”

E $1 miliona tala na totogi e le Malo agai i le kamupani suetusi o le BDO mai Niu Sila mai i le tala faatatau autu o le tupe 2023/2024, ua maea le vaega muamua lea e nao le 13 atinae na mafai ona faatino ai suesuega ae lei faatino le vaega lona lua.

Important Public Notices