Tuua le Malo e lē sa avea ma Minisita o le Kapeneta

0
5900

Ua faamanava e Le Atua galuega a lana auauna le afioga iā Tuisugaletaua Sofara Aveau, i le Aso Lulu o le vaiaso nei i le falemai i Motootua.

Na mua’i filifilia le afioaga ia Tuisugaletaua e avea ma faipule o lona itumalo, Vaimauga 1, i le faigapalota o le 2001 ao tulai mai le vaega faaupufai e Puipuia Aia Tatau a Tagata le HRPP. Sa faaauau ai pea lona tofiga Sui Faipule se ia oo atu lava i le faigapalota o le 2016.

Suitcases! New arrivals at SOS Available at Togafuafua and Salelologa branches.

Sa avea Tuisugaletaua ma Minisita o Faatoaga mai le 2001 seia oo atu i le 2006. Ina ua toe tula’i mai i le 2006 sa tofia ai o ia e fai ma Minisita o Galuega Tetele, Atinae ma Felauaiga i le vaitau tonu lea sa faatino ai le suiga o le itu auala ma le auina mai l taavale foeuli taumatau.”

Ina ua toe tulai mai i le faigapalota tele o le 2011 na tofia ai fo’i e fai ma Minisita o Fesootaiga ma Faamatalaga Tekonolosi.

O se tamalii sa avea foi ma faatama o le Faalapotopotoga o Toomaga mo e Puapuagatia (SVSG) ma ia taulamua ai i le unaiina o le feau mo le itupa o alii, e taofi le sauaina o tina ma fanau.

Sa ia faatuina foi se faalapotopotoga e unaia ma sailia ai maketi mo le itu tau faatoaga, aemaise le atinaeina o le fa’i.

O se tamā foi na ia umiaina le tofi Aoao Fesoasoani i le Ekalesia Faalapotopotoga Kerisiano i Samoa EFKS.

O se tamalii e talenia i le itu tau pesega ma na ia fatuina le pese sa fai ma manulauti o le fonotaga tele a le SIDS na talimalo ai Samoa.

Public Notices