15 Setema 2020, Mulinuu, Apia. Ua fa’amauina nei le aso 3 o le masina o Me o le tausaga fou lea o le a fa’atautaia ai se iloiloga mo le mata’upu o lo’o tu’ua’ia ai se tamā i faiga’aiga fai fa’amalosi ma lona afafine moni lava.
O lenei teineititi na maliu ia Fepuari i le tausaga 2019 ona o a’afiaga i gasegase tau fatu. E maliu o ia ua faatoa avatu i lalo o le vaavaaiga malu a le Faalapotopotoga o Toomaga mo ē Puapuagatia (SVSG).
E le o mafai foi ona faailoa suafa uma o le tamā lenei faapea le teineititi na aafia ona o tulafono masani a le Fa’amasinoga i mataupu faapenei e toe molia atu ai nisi o matua ona o a latou fanau.
I le fofogaina o lenei mataupu i le Aso Gafua (criminal mentions), na faatulaga ai e le Afioga i le Fa’amasino Sili ia Satiu Simativa Perese le aso 22 o Setema e faia ai le iloiloga pe tatalaina i tua le tama lenei (bail hearing) e tālia ai le faamasinoga i le tausaga fou.
O le aso 16 o Setema lea ua tuu avanoa atu ai le Faamasinoga Maualuga i le itu a leoleo e tuuina atu ai le latou tala tusitusia (memorandum) pe afai e tetee i le tatala ai o le ua molia i tua.
O lenei mataupu ua maea se suesuega a le Alii Faamasino ia Leiataualesa Daryl Clarke ma ua faatagaina ai le faaogaina o le faamatalaga tusitusia a lē sa aafia na mafai ona tuuina atu i leoleo, ae lei maliu o ia.
O lenei lava mataupu o loo finauina e le SVSG ina ia saili lava le amiotonu ma ia faia le fa’amasinoga o le alii lenei e pei ona tu’ua’ia.
O lenei mataupu na ulua’i oo atu i luma o le Ofisa o Leoleo ina ua lipotia e le Sui Tamaitai a le Toomaga mai totonu o se tasi o afioaga i Upolu.
- Hearing Date Set for Four People Charged with Sexual Acts on Woman with a Disability - October 5, 2021
- Two Sasina Matai Charged with Uttering Threatening and Insulting Words - October 5, 2021
- Male Prisoner at Tanumalala Pleads Guilty to Acts of Sodomy - October 5, 2021
