Ua tu’uina atu nei e le afioga i le Fa’amasino o le Fa’amasinoga Fa’aitumalo ia Loau Donald Kerslake ia le mata’upu i moliaga o le saini fa’amalosi o lo’o molia ai le sa fai ma Sui o le Nuu o Lalomanu e fofogaina i luma o le Fa’amasinoga Maualuga.
O le tu’uaiga e faasaga ia Seuala Patone Seuala e faapea na ia saini fa’amalosi suafa i luga o pepa resitala mo ni suafa matai fou o le afioaga.
Sa tuuina atu lenei talosaga e le tamaitai loia a le itu a leoleo ia Rexona Titi, ona o le taga’i i moliaga nei, e tatau ona suesueina i luma o le Fa’amasinoga Maualuga.
Sa talia e le alii loia o lo’o tula’i mo Seuala, ia Tauiliili Harry Schuster.
I fa’amaumauga a le fa’amasinoga o lo’o fa’aalia ai e 10 moliaga o le saini fa’amalosi o ni pepa matai o le latou afio’aga lea o lo’o tu’uaia ma molia ai Seuala.
O le tu’uaiga na saini fa’amalosi e Seuala o latou suafa i luga o pepa resitala mo ni suafa matai fou.
O le aso 17 o le masina lenei o Aukuso o le a fofogaina ai i luma o le Fa’amasinoga Maualuga lenei mata’upu ma faatoa iloa ai po’o le a sana tali i moliaga.
- Hearing Date Set for Four People Charged with Sexual Acts on Woman with a Disability - October 5, 2021
- Two Sasina Matai Charged with Uttering Threatening and Insulting Words - October 5, 2021
- Male Prisoner at Tanumalala Pleads Guilty to Acts of Sodomy - October 5, 2021
