E tusa ai ma le vaega 36 o le Tulafono 1972 a le Faaputugatupe mo le Lumanai Manuia o Tagata, ua faamaonia nei e le Minisita, Komiti Faatonu ma le Pulega le tului fa’aopopo e 9.1% mo le tausaga faa-le-tupe faaiuina i le aso 30 Iuni 2019.
O lenei tului ua fa’aaogaina ai le paleni o loo iai i le faaputugatupe a le sui faisaofaga mai le aso 1
Iulai 2018, ma e agavaa ai na’o sui faisaofaga e le’i talaina i tua a latou saofaga, pe toesea saofaga
e totogi ai nonogatupe tuua i lenei tausaga fa’aletupe.
O le a mafai ona maua e sui faisaofaga lenei faamanuiaga e ala i nonogatupe laiti masani e amata i le aso Gafua 1 Iulai 2019.
E tusa ma le $54 miliona Tala o le a fa’aaluina i lenei faamoemoe. O se matati’a maualuga ua
mafai ona ausia ona o le galulue punoua’i so’oso’o tauau o le Komiti Faatonu, Pulega ma le aufaigaluega a le SNPF ina ia faamuamua pea ana sui faisaofaga.
O le fa’anaunautaiga o le Fa’alapotopotoga, ia alofagia pea e le Atua le isi tausaga fa’aletupe i ana
galuega ia maua pea nisi auala lelei mo le fa’afaigaluegaina o tupe ina ia faatumauina pea nei
fa’amanuiaga mo ana suifaisaofaga.
Ia tumau pea le viiga, le faamanu ma le fa’aneetaga i le Atua Silisili Ese, lo tatou Alii o Iesu Keriso i lana fa’amalumaluga ma lona alofa tunoa i le SNPF ma tagatanuu uma o Samoa.
Faafetai
Minisita, Komiti Faatonu ma le Pulega SNPF
Latest posts by Press Release (see all)
- Saunoaga a le Palemia i le Tatalaina o le SNDP - September 18, 2019
- Samoa Police Service Promotes 20 Officers - September 17, 2019
- Second Maritime Technical Cooperation Centre Regional Workshop - September 16, 2019
