Tulai Mai Niu Sila o se Uo Mamae a Samoa e Fesoasoani

0
172

Na faailoa e Vaovasamanaia Winston Peters o le Sui Palemai o le malo o Nu Sila o ia foi o le Minisita o le va i fafo e faapea o loo iai le feagaia o le faigapaaga i le va o Samoa ma Niu Sila.

O a lava mea e tutupu mai e ao ona tulai mai Niu Sila e fesoasoani ona o le felatai tele o le mafutaga ma Samoa ma le Feagaiga faale Uo o loo taitaia lea mafutaga.

“We have a treaty of friendship, and when a friend in this context is in need our country is stepping up and helping out…we are here to convey our serious condolences for the tradegies of so many families here, and to say that we stand ready on every occassion to provide the resources to help out;

Sa taua foi e Vaovasamanaia le taua o le sue i ni lesona lelei pe a maea lenei faafitauli. Ma o ni lesona mai Samoa e mafai foi ona faatino ai fuafuaga  a isi atunuu.

“And when it’s all over, I trust that as a neighbouring connection of countries around the Pacific, been able to take from this, lessons to be put in place elsewhere as well,” said Vaovasamanaia.

O le ala lea o le faiamalaga a le Alii Sui Palemia faatasi ma le Minisita mo Tagata Pasefika le afioga ia Aupito Su’a William Sio.

Sa fesiligia e se tusitala sinia a le TV3 e faapea pe sa le tatau ona silafia e le Malo o Niu Sila e tatau ona tuuaia i latou i le oo mai ai o le faamai o le misela i Samoa nei.

Sa tali mai le alii sui palemia e faapea, a’o lei faia ai ia tuuaiga e tatau ona saili lelei le mea moni.

“Before you make an allegation you better be able to join all the dots up so that when you land you’re landing on the truth, and we are far too soon in this process to be able to support such statements”

Sa faailoa e le Sui Palemia o lea atunuu fesoasoani e le gata o le taimi lenei o le pepesi ai o le misela ae o fuafuaga foi a lea Malo e ala i polokalame mo le soifua maloloina e le mo nao nei ma taeao ae mo le lumanai.


Maina Vai