Home Faa-Samoa Tula’i mai Vevesiga ma Fusuaga i totonu o le Laumua o le...

Tula’i mai Vevesiga ma Fusuaga i totonu o le Laumua o le Iunivesite Aoao o Samoa

0
5386

E to’a sefululua fanau aoga a le Iunivesite Aoao o Samoa sa aafia i se vevesiga na tulai mai i totonu o le laumua, faatasi ma se tamaitai e lē aoga i le Iunivesite o loo tuuaia i le faatupuina o le vevesi.

 

Na faamaonia mai e se tasi o faiaoga a le laumua o le Iunivesite lea tulaga ina ua le avanoa le faauluuluga o le Iunivesite, le tamaitai Polofesa ia Tuifuisaa Patila Malua Amosa, ona o loo feiloai le tamaitai pule ma matua o fanau aoga sa aafia i lea vevesiga.

Tā’ua e le molimau faamoemoeina e le’i manao e faailoa lona suafa, “O se tamaitai aoga mai se tasi o Kolisi a se Ekalesia tu taulaga – o ia lea na ulufale i totonu o le lotoā ma amata le vevesi, ae lagolago iai nisi o ana uo tamaitai o loo a’ooga i le Iunivesite.

O ata na pueina e nisi o fanau aoga i le taimi o le vevesi ma faasalalau i luga o le api o foliga na upega tafailagi, o loo vaaia ai fanau aoga tamaitai o loo fufusu ma faaoolima ae o loo tau taofiofi mai e nisi.

Ua ta’ua e le moliamau, ua ma’ea ona talanoaina e le pulega le faafitauli na tulai mai, ma ua faailoa foi e le pule sili o le a aami fanau na aafia, ona sosoo ai lea ma le aami o matua o fanau aoga e faailoa iai le faaiuga ua tasi iai le pulega.

Ua fautuaina e le pulega le tamaitai na vaaia i ata na faasalalauina ina ia vaai se fomai, aemaise e le aiāina e le pulega se isi laasaga i tua atu e pei o le tulafono.

O le salalau ai o ata i luga o le api o foliga ua faailoa ai finagalo lē fiafia o le mamalu o le atunuu, I le saogalemu o fanau aoga aemaise o le aafia ai o lumanai I le poto salalau I vevesi o loo tulai mai.

O le tausaga ua mavae sa tulai mai ai foi se vevesiga faapea i le itupa o alii lea foi na salalau ata i luga o fesootaiga televavave.

Ae o le tausaga 2022 sa tula’i mai ai fo’i vevesiga ma fusuaga i le va o tamaitai.

E telē le aafiaga o le ta’uleleia o le Iunivesite i ia faafitauli o loo tula’i mai i totonu o le Le Papaigalagala.

E 4,500 fanau aoga o loo aoaoina i le Iunivesite i Le Papaigalagala ae utiuti le aufaigaluega o loo galulue ai i le taimi nei pe a faatusa atu i lea fuainumera.

LEAVE A REPLY

Please enter your comment!
Please enter your name here