Tula’i lē sa avea ma Sui Komesina o Faigapalota e Faaleo lana Molimau

0
4272

O le aso mulimuli o le mataupu i luma o le faamasinoga maualuga na tulai ai lē sa avea ma Sui Komesina o Faigapalota, e momoli mai lana molimau e tusa ma tuuaiga e faasaga ia te ia.

O le mau a Afualo Daryl Mapu, o ia e ona le fale sa osofa’i atu e leoleo i le Aso 28 o Tesema 2021, peitai, o Pelepesite, o ia lea e nofo i le fogafale pito i luga o lona fale.

“O le isinia lea na te vaaia ma tausia au taavale. O se alii na matou nonofo mai ia Oketopa 2021 seia oo mai i le taimi na osofai ai e leoleo lou fale..

“O Pelepesite o se tagata e maumau solo, e femoumoua’i, ae na talosaga mai matou te nonofo, ona ou talia lea, ma nofo ai loa i le potu pito i luga o lo’u fale, o tuutu’uga o le matou nonofo, e fai lava e ia ana meaai, fai e ia lana ia cash power o le potu lea o loo nofo ai..

“O le potu lea e nofo ai Site, a oo ina ma o atu ma la’u uo teine lea o Marie, ona ou fai lea ia Pelepesite ou te fia faa’aogaina lona potu, ona alu ese lea o Site ae ma o atu faa’aoga le potu lea..

“I le afiafi o le Aso 28 o Tesema, ina ua uma nai tafaoga o lena aso, na ou vili mai ai ia Site ou te fia faa’aogaina lona potu..

“Uma na ma talanoa ona ou alu lea i Aleisa e piki mai Marie, ma omai loa i le fale..

“Na ma taunuu atu i luga i le potu ma ou vaaia ai fana ma mea ia na maua atu e leoleo..

“Na ou fai atu ia Site, aveese fana ma mea uma ia, ou te le manao i mea ia i totonu o le potu lea, nei vaai ai mata o lau fanau faapea ai ou te faa’aogaina nei mea.. O la’u tala lea ma ou savali ese..

“Na ou savali atu ma tatala lo’u ofu tino ma lo’u ie faitaga sa sulu, ae ou alu loa ou te taele. Na ou savali mai ma sulu mai le solo taele..

Dial 888# to buy a ticket.

“Ma talanoa lea ma Marie, ae faimai loa Marie ua fia ai. Na ou vili loa ia Pelepesite e faatau mai se meaai, ona sau lea e momoli mai ae avatu lana tupe..

“I le taimi lea o faatalitali Site na ou faalogoina ai le pa’o mai o lalō. O’u tago atu i le ofu vae lanu moana pa’auli poo le lanu uliuli foi, ma ou tago atu i la’u ato tupe, tuu i totonu o le taga o le ofu vae sa taatia i luga o le moega ma ou savali loa i lalo o le fale..

On sale now at Le Well, Savalalo.

“Ou te taunuu atu i lalo ae ou vaai atu loa ia Toddy ma le isi leoleo. Na ou savali atu matou talanoa, ae ou vaaia e toatele leoleo. Na talanoa mai Paul Tauaa e faamalamalama le search warrant, ae faapea mai Carl Aumua, nao na matou o atu lava e vaai poo iai ni laau malosi matou toe o ese mai lea..

Na matou agai uma I luga ma maua ai vaega uma ia o fana, scale, utensils ma le pauta o aisa ma pulu fana..”

O le molimau lena a Afualo.

BACK IN STOCK @SOS 

Na fesiligia e le loia o loo tulai mo le itu a leoleo, le afioga Lupematasila Iliganoa Atoa, poo fea e aumai ai nei fana, ae na tali Daryl, e leai ma sona iloa o mea uma nei, o mea uma nei na o Pelepesite e onaina.

Na toe kolosi Atoa, pe faafefea ia pauta sa maua totonu o le taga o lona ofu vae. Ae na tali Daryl o le ofuvae sa i luga o le moega, o Site e onaina.

The weather is always good with Taula

“Na ou faalogo atu loa i le pa’o mai o lalo o le fale, ou tago loa aumai le ofu vae ma ofu mai, ona o lo’u solo taele sa sulu i lea taimi, ae ua ou tei I le su’e o lo’u tino ae maua ai le pauta i totonu o le taga o le ofu vae o o’u ofuina.

Fesiligia foi e Atoa, poo ai e ona ina le ofu vae sa ofu ai, ae tali Daryl o Site e onaina le ofu vae cargo sa ia ofuina.

Available at SOS Togafuafua and Savaii.8

“E laititi toe le ofi le ofu vae ae puupuu foi e gata i luga o o’u tuli, ae o au ou te fiafia i ofu vae uumi ona e fufi pe cover atoa ai lau pe’a (sona’imiti) ou te le manao e faa’aliali lau pe’a.”

O le molimau a Afualo Daryl i luma o le Faamasinoga Maualuga, e fai lona toalua, e toalua foi lana fanau..

“Sa ou galue o se Sui Komesina o Faigapalota, ae o Marie Fanueli, o lau uo tamaitai o se Senior Officer I le Ofisa o Faipalota..”

Sa tulai Pelepesite e faamaonia le molimau a Afualo. Sa ia faamatalaina i luma o le Faamasinoga, o ia o se tasi na te tuleia le aisa. Ae o laau malosi na maua atu, e avatu i tagata ua le mafai ona totogi i tupe laau faasaina.. ona avatu lea o fana nei e sui ai.

Ua maea molimau o lenei mataupu e tusa ma le lua vaiaso o iloilo i luma o le tamaitai faamasino o Tafaoimalo Tologata Leilani Tuala-Warren.

O se aso oi luma o le a lauina ai le faaiuga o lenei mataupu, ae o loo teteeina e Afualo ma Marie tuuaiga uma o loo faasaga ia laua.