O le vaiaso nei sa tula’i ai i luma o le Faamasinoga Maualuga se alii o loo tuuaia i lona fasiotia o se teinetiiti 14 tausaga e iai aafiaga tumau o le soifua.
O Lafi Solomona Pita, 29 tausaga mai Salepoua’e i Saleimoa, o le uncle o lē ua maliu.
O loo molia i le fasioti tagata faamoemoeina, fasioti tagata pa’ivalea ma le uumia o se aupega matautia.
O le tamaitai loia ia Lucy Sio sa tulai mo lē o loo molia. Sa ia talosagaina se taimi faaopoopo se’i faamautu mai ai se lipoti mai fomai faapitoa o le mafaufau. Sa ia faailoaina fo’i le tali tetee o Lafi Solomona Pita i moliaga uma faasaga ia te ia.
Na talia e le afioga ia Fepuleai Ameperosa Roma le talosaga ma ua tuuina atu ai le vaiaso e faamautu mai ai lipoti.
O lenei faalavelave matautia sa tula’i mai i le masina o Aperila 2025 i le vaitaimi tonu o le Aso Maliu.
I faamaumauga a leoleo; na agai le aiga i Apia mo faatauga o le toanai mo le Aso Sa, ae tuua ai na o lē ua maliu, ma lona uncle lea ua molia.
Peitai, o le toe taliu atu o i latou sa malaga i Apia, na maua atu ai le tino maliu o le teineitiiti 14 tausaga i autafa ane o le fale taele, o loo ufiufi i ni lau laau.
I le taimi na tula’i mai ai lenei faafitauli, na saunoa ai le Komesina o Leoleo, e foliga mai o se aupega maai (sharp object), sa faaaogaina e faaoo ai manuaga o loo i le tino o le afafine ua maliu.
O se tasi lenei o faalavelave na faateia ai foi le atunuu ma tele ai finagalo faaalia i luga o le social media.
Sa faaleo ai fo’i se finagalo o le sosaiete a i latou e iai aafiaga tumau o le soifua, ma latou tuualalo ai, ia amanaia se leo poo le vaai tutusa lea i tagata soifua uma, e aofia ai ma i latou e iai aafiaga tumau o le soifua.
O loo nofo taofia pea Lafi Solomona Pita i le vaavaiga leoleo, e tālia ai
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
