O le amataga o lenei vaiaso na tulai ai latou na taofia e leoleo mai se latou osofaiga i Vaimoso.
O Leulaiotumua Jerry Pose ma Avia Faataualofa Esera, na tulai i le taeao o le Aso Gafua. O le tasi alii, o Nick Ah Kuoi, e lei mafai ona tulai ma ua poloaina se tusi saisai mo ia. O se loia tutoatasi, Fetu Lagaaia, na tulai mo le itu a leoleo.
Na faailoa e Lagaaia i luma o le Faamasinoga le tuuina lea o se talosaga i le itu a leoleo, e toe faaui ai tua moliaga uma e faasaga lea ia Avia Faataualofa Esera, ona e le o lava mau a le itu a leoleo.
Na faailoa foi e Lagaaia le faaui ai lea i tua o moliaga e lua a le itu a Leoleo, e faasaga lea ia Leuluaiotumua Jerry Pose. O ia moliaga e aofia ai le umia o ni mea faitino (utensils) ma le gaoia o ni oloa poo aseta (robbery).
E tolu moliaga a le itu a leoleo ua faaauau pea e faasaga ia Jerry Pose, e pei ona faailoa e Lagaaia. O ia moliaga e aafia ai le umia o pauta methionine (aisa), umia maluana (posession) ma le umia o fatu maluana.
Ae na faailoa e le loia o loo tulai mo Jerry Pose i luma o le Faamasinoga, le tuuina atu lea o le tali ioe a Pose i moliaga e tolu, e suia ai lana tali tetee sa tuuina atu i le taimi muamua.
Ua talia e le Faamasinoga le talosaga a le itu a leoleo, e faapea foi talosaga a le alii loia o loo tulai mo le o loo molia.
O le Aso 13 o Tesema ua faatulaga e le Faamasinoga e tuuina atu ai folagasaga mulimuli a loia, faapea se ripoti a le Ofisa Faanofo Vaavaia.
O le tamaitai loia ia Lucymaria Sio-Ofoia o loo tulai mo Avia Faataualofa Esera, ae mo Leuluaiotumua o loo tulai ai Afa Lesa.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
