Sola le afioaga Savaia Lefaga ma le tulaga muamua o le tauvaga o le faamatagofieina o aai, mo le vaitau o le fonotele o Malo o le Taupulega sa talimalo ai lo tatou atunuu.
E $10,000 tala le tinoitupe ma le tusi pasi faamaonia sa faamanuiaina ai le afioaga.
Tulaga 2 Faleatiu – $9,000 talā
Tulaga 3 Leulumoega – $8,000 talā
Tulaga 4 Tufulele – $7,000 talā
Tulaga 5 Vailuutai – $6,000 tala

Tulaga 6 Satuimalufilufi – $5,000 talā
Tulaga 7 Samatau – $4,000 talā
Tulaga 8 Nofoalii – $3,000 talā
Tulaga 9 Ti’avea – $2,500 talā
Tulaga 10 Faleasiu – $2,000 talā

O le taeao o le Aso Tofi 5 Tesema na faatumulia ai le fale Samoa o le ofisa o tagata tafafao maimoa mai le STA, i le tufatufaina o faailoga mo afioaga. Sa matagofie uma afioaga o Samoa sa tapena mo le taligamalo, ae ua faamanuiaina le toa 10 sa maoa’e le matagofie.
I se finagalo faaalia a le Sui Tamaitai o le afioaga o Savaia le tina ia Annie Maioa, na ia taua ai, “E silia ma le $60,000 talā le aofai o le seleni sa faaalu i le tapenaga mo le teuteuina ma le faamatagofieina o le matou nuu, peitai o lea ua matou mauaina le $10,000 talā ma e ui e le o ausia le seleni sa faatupe ai a matou tapenaga ae lagona lava le fiafia ona ua mauaina le tulaga muamua, Viia le Alii.”
Mo Upolu nei e lua vaega sa vaevaeina ai le tauvaga. O afioaga na tuuina atu iai atunuu mo le lagolago, e pei ona manumalo ai Savaia, faapea le tauvaga mo afioaga e lei lautogia mo atunuu.
Mo le vaega 2 mo afioaga e lei tuuina atu iai ni atunuu, sa tulaga muamua ai le afioaga o Nuusuatia na mauaina le $5,000 talā.

Tulaga 2 Fusi Saoluafata – $4,000 talā
Tulaga 3 Lepā – $3,000 talā
Tulaga 3 Vailoa Aleipata – $2,500 talā
Tulaga 4 Lalomauga – $2,000 talā
O afioaga uma e lei lauina latou igoa e maua le ta’i $1,000 talā ae mo afioaga o loo faataoto mai asiasiga e pito maualalo e maua ta’i $500.

Ae mo le motu tele i Salafai, ua tulaga muamua le afioaga o Tapuelele sa mauaina le seleni $5,000 talā.
Tulaga 2 Fagamalo – $4,000 talā
Tulaga 3 Vaitoomuli Palauli – $3,000 talā
Tulaga 4 Patamea – $2,500 talā
Tulaga 5 Manase – $2,000 talā
Tulaga 6 Fatausi – $1,800
Tulaga 7 Salimu – $1,600 talā
Tulaga 8 Safua = $1,500 talā
Tulaga 9 Sato’alepai – $1,400
Tulaga 10 Faiaai – $1,200 talā
O afioaga uma o loo maua faailoga tupe $1,000 talā ae maua tai $500 i afioaga pito lalo ifo, e tofu uma foi afioaga ma tusi pasi.
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025














