Tufa i le Vaiaso Fou le 1.5% Mulimuli o le Tului mai le 2020

March 18, 2021

288

Ua faailoa mai e le SNPF, o le a faaauau le tufaaga o le tului (dividend) mo le tausaga faaletupe 30 Iuni 2020 e amata atu i le Aso Gafua 22 Mati 2021 seia faagata i le Aso Faraile 23 Aperila 2021.

O le aofai o le a faamatuu mai i le vaiaso fou le 1.5 pasene.

O lenei 1.5 pasene o le vaega mulimuli o le tului mo le tausaga faaletupe 30 Iuni 2020, lea sa faasalalauina ai le tului aofai e 9.1 pasene.

O se faasilasilaga mai le NPF o loo faapea mai ai o le tau aofai o lea faamoemoe e $10.6 miliona tala.

O lenei 1.5 pasene o le vaega mulimuli o le tului mo le tausaga f 30 Iuni 2020, lea sa faasalalauina ai le tului e 9.1 pasene.

I lena 9.1 pasene, sa tumau ai le 3% e toe faaopoopo i lafoga a le mamalu o le atunuu o loo teuina e le NPF. Ae o le 6.1 pasene lea sa tufaina ma o le tului mulimuli la lenei.

 1.1% sa tufaina ia Tesema 2019 ao iai le atunuu i taimi faigata o le misela

 2% sa tufaina ia July 2020.

 1.5% sa tufaina ia Novema 2020.

 1.5% lea o le a tufaina i le vaiaso fou 22 Mati 2021.

E tusa ai ma le faasalalauga a le NPF, “O ni tului faamealofa e le i talaina i tua i le taimi faatulagaina ua taua i luga o le a faamatuu sao lava i teugatupe saofaga a le au faisaofaga”.

“O le a avanoa a tatou ofisa nei mo le faatinoina o lenei faamoemoe mai le itula e 9:00 i le taeao seia paia le itula e 4:00 i le afiafi;

SNPF Ofisa Tutotonu, Apia – Fogafale 1, 3 ma le 4.
SNPF Vaitele
SNPF Salelologa.

“O le faamanu, faafetai ma le viiga atoa e tuuina atu i lo tatou Atua Silisili Ese, le Alii o Iesu, o lé na te mafaia ona faia o mea uma e faasilisili lava i mea tatou te ole atu ai ma mafaufau i ai, e tusa ma lona mana o loo matuá galue i totonu ia te i tatou”.

O le feau taua lea mai le Minisita, le Taitaifono, le mamalu o le Komiti Faavae ma le Pulega a le NPF.