Totogi e le Aufaigaluega a le Samoa Airways le Salatupe $4000 Talā mai le Malo o Amerika Samoa

0
4647

O le $4k tala Samoa (US$1500) se faasalaga tautupe (fine) sa tuuina mai e le Malo o Amerika Samoa i le kamupani vaalele o le Samoa Airways, ina ua sosoo atu faigamalaga na sao atu i Tutuila, ae aunoa ma ni pemita.

O lenei salatupe ua maea ona totogi e le Samoa Airways, ae ua tuuina atu i le aufaigaluega sa aafia, e toe totogi ma toe faaola le tupe a le kamupani.

O loo tipi ai nei totogi a se aufaigaluega e toalua, seia maea le aofai e US$1500 poo le $4000 tala.

Sa faamaonia mai e le Pule Sili o le Samoa Airways, le afioga ia Fauoo Fatu Tielu, e tasi le tausaga ua tuuina i lenei aufaigaluega, la te totogiina ma toe faatumu ai le tupe a le kamupani, lea sa totogi sala ai i le Malo o Amerika Samoa.

Saunoa Fauoo, o le aufaigaluega a le kamupani sa tiute i le taimi tonu lea sa faaletonu ai le ulufale atu o nisi o le atunuu i totonu o Amerika Samoa, lea ua paū iai le samala.

Soo se tasi e malaga atu mai Apia i Amerika Samoa, e ao ona tapenaina pemita. Peitai o le malaga atu o le Minisita Lagolago e aunoa ma se pemita, ae toe tupu foi i se tinā faipisinisi nofo mau i Samoa ae sitiseni Niu Sila i totonu o le tolu vaiaso, lea sa faasala ai loa le Samoa Airways i le $1500 tala Amerika.

Visit our Rimani Samoa store at Savalalo and Follow us on Facebook! today!

“Sa faamalolo muamua mo aso e tolu e aunoa ma se totogi (suspended without pay), ae o lea ua fai ma le faaiuga e la te toe faaola mai le tupe a le kamupani..”

“Ua uma foi ona faailoa iai le fuafuaga e tasi le tausaga e tuuina atu e to’esea mai ai se vaega o la’ua totogi, e fua i le tupe maua, mo le toe faatumuina o le seleni a le kamupani sa totogi ai le sala tupe na tuuina mai e le Malo Amerika Samoa.”

Ta’ua foi e Fauoo, “O le aufaigaluega o loo aafia, ua tuuina iai se feau lapata’i, afai ae toe tulai mai se faaletonu faapea e faasala ai le kamupani, o le a faamalolo motu loa mai le galuega.”

I suesueaga a le Samoa Global News sa maua ai e tai $10,000 i le $12,000 tala i le tausaga totogi o lea aufaigaluega poo le $190 i le $230 i le vaiaso.

Na ioeina e le Ofisa Sili le lape o le auaunaga a le aufaigaluega na mafua ai ona tulai mai le faaletonu. Na ia ioeina foi e faalua ona tulai mai lea faafitauli i totonu o le tolu vaiaso.

O le malaga o le sa avea ma Minisita lagolago o Leoleo ma Falepuipui, le afioga ia Fepuleai Sua, faapea se tasi o le atunuu na taunuu i eleele o Tutuila e aunoa ma se pemita, lea na faasala ai le $500 toe faasala i le $1500 US.

E lei maua atu se avanoa i lē sa fai ma Minisita Lagolago, faapea foi le tina fai pisinisi lea sa la malaga ma le mautinoa e le o iai ni a la pemita.

Click here to order Delicious Cakes online for your family in Samoa!