Ua faailoa mai e le Sui Palemia o Samoa, Hon Mulipola Anarosa Ale Molioo, le faamaoniga ai e le Kapeneta le faaaogaina o nisi o auaunaga tuumaoti, e fesoasoani i le tapenaina o pepa faigaluega mo i latou o loo malaga atu i galuega faavaitaimi i fafo.
I se feiloaiga ma le vasega o Tusitala, na ta’ua ai ua mae’a ona faamaonia e le Kapeneta le tofia ai o ni “recruitment agents” se tolu, e galulue faatasi ma le Malo.
O nei kamupani e aofia ai le: Pacific Work Force Group Limited, Poutasi Development Trust, ma Taimalie Charlie Ah Liki Westerlund.
E tusa ai ma le saunoaga a le Sui Palemia, o nei agents ua leva ona galulue mo le tapenaina o tagata faigaluega mo avanoa i atunuu i fafo, ma ua iai latou foi le tomai faapitoa ae maise o le poto masani e fesoasoani atu i le mamalu o le atunuu.
“O nei agents e tolu ua faamaonia e le Kapeneta e fesoasoani i le tapenaina o alo ma fanau mo galuega faavaitaimi i fafo, ma ua leva foi ona latou galulue i lenei vaega ma ua iloa lo latou sao taua i le faaauauina o nei polokalame.”
Peitai, sa faamamafa foi e le Sui Palemia, e lē o aveesea ai le avanoa mo isi vaega o le atunuu e fia galulue i lea auaunaga faapitoa.
O loo faaauau pea ona faatino le polokalame o galuega faavaitaimi e ala i itumalo e 51 ma a latou fonotaga faavae, lea e mafai ai ona auai pea le toatele o alo ma fanau i nei avanoa.
“Ae e lē o mafai ona aveesea ai pea le toatele o tatou alo ma fanau o loo agai i fafo i tatou Seasonal Work Program, e agai lava le tatou 51 Itumalo ia ma tatou fonofaavae.”
O le faaiuga a le Kapeneta ua faamaonia ai nei kamupani e tolu, o se laasaga lea e faamalosia ai le faagasologa o galuega, ae maise o le faamautinoa ai o le lelei ma le manino o le filifiliga ma le tapenaina o tagata faigaluega mo avanoa i fafo.
Vacancy at Ah Liki Wholesale
- Poumau Tiufea Vaa, Miss Sili Ecofarm is your Miss Samoa 2026 - September 6, 2026
- Little Rina Wins Inaugural Measina Festival Fautasi Race - September 3, 2026
- Miss Taumeasina Island Resort Inspired by Her Grandparents - September 2, 2026
