O le tauvaga autalavou o le vikaliatu i Sisifo o se vaega o polokalame a autalavou o le Ekalesia Katoliko mo lenei tausaga.
O vaega o le tauvaga o lenei tausaga na agai i Mauluulu, Taupou ma le Manaia faapea ai Faataleleiga poo Faaevagelia.
Na manumalo le Matagaluega Tamaitai o le Losalio i Siusega i ipu e tolu – o le Mauluulu, Taupou ma le Manaia, ae tulaga lua i le Faatalaleleiga.
Na saunoa le afioga tiakono Falaniko Tamiano e faapea o le polokalame lenei sa tuu e fai ia Iulai o le tausaga nei peitai e lei o’o.
O le sini autu lava sa taumafai e tata’i iai tupulava talavou ma a latou faatinoga o ‘Iesu le Ositaulaga Sili faapea ai Tupulaga Talavou mo Keriso’.
E tasi le masina sa tuufaatasia ai tapenaga a le matagaluega a Siusega e aofia ai Aleisa Sisifo ma Sasae faapea ai ma Siusega.
O luitau o lea taumafaiga o le taumafai e tumau fanau e ala lea i le iai pea o le faatonu i taimi uma, aua afai e leai ia ua le maopoopo.
“Ou te iloa o le ala lava ua mafai ona faamanuiaina la matou autalavou, ona o le taumafaiga sa ou naunau e faailoa ia tumau pea le tutusa o taga, mataala ma foliga fiafia”
Sa ia taua fo’i na ia molimauina le tulaga lelei ma lava tapena o autalavou uma, ae pau lea o lana vaai e ese mai ai lana autalavou o le laugatasia, tausaafia ma ia iloa ma lagonaina le mea o loo fai.
E 21 le aofai o autalavou a Siusega, ma o se fiafiaga lea i le afioga Patele faapea le matagaluega, o loo manuia faiva o talavou, e ala i le aganuu ma le itu faaleagaga.
1st Faaevagelia: Matagaluega Tasitolu Paia Falelatai & Samatau
2nd Faaevagelia: Matagaluega Tamaitai o le Losalio Siusega
3rd Faaevagelia: Matagaluega Sagato Petelo Sanele Malotau
1st Mauluulu: Autalavou Matagaluega Tamaitai o le Losalio Siusega
2nd Mauluulu: Autalavou Matagaluega Mavaega
3rd Mauluulu: Autalavou Matagaluega Sagato Anitelea
Best Mauluulu Uniform: Autalavou Matagaluega Tasitolu Paia Falelatai & Samatau
Best Taupou: Autalavou Matagaluega Tamaitai o le Losalio Siusega
Best Manaia: Autalavou Matagaluega Tamaitai o le Losalio Siusega
(0)
